jueves, 24 de septiembre de 2026
Polo tanto, as únicas partidas que teñen orzamentos concretos nesta orde son as vencelladas cos fondos FEADER, que supoñen un total de 44,17 millóns de euros, abranguendo 17,4 M para as liñas de Zonas con Limitacións Naturais e 26,7M para as agroambientais e produción ecolóxica -importes case idénticos aos do ano pasado-.
O orzamento anual restante para a nosa comunidade fixarase atendendo a unha distribución dos fondos nacionais entre todas as solicitudes que cumpran os requisitos, estimándose para Galicia preto de 160 millóns de euros, o que completará un volume de axudas anuais semellante ao de anteriores convocatorias.
Este cambio na xestión dos orzamentos débese á xa mencionada entrada en vigor do PEPAC 2023-2027, que conserva os elementos esenciais da PAC anterior, pero pasa de ser unha política baseada na descrición dos requisitos que deben cumprir os beneficiarios finais das axudas a ser unha política orientada á consecución de resultados concretos. Así, esta convocatoria 2024 é exclusivamente para presentar solicitudes de pagamento da campaña no caso das axudas plurianuais de desenvolvemento rural, en base aos compromisos adquiridos en 2023.
1.611 millóns de euros en oito anos
No marco destas axudas, o Goberno autonómico destinou no período 2015-2022 un total de 1.611,3 millóns de euros a estas achegas, beneficiando de media cada ano a unhas 25.000 explotacións agrogandeiras da nosa comunidade cunha media de 200 millóns de euros anuais -170 millóns de euros de axudas directas, e outros 30 millóns de euros de desenvolvemento rural suxeitos ao Sistema Integrado de Xestión e Control-.
A Consellería de Educación vai dotar aos centros educativos de apoios específicos de acompañamento, formación e recursos materiais para desenvolver os novos programas de reforzo Avanza Lectura e Avanza Matemáticas, que se van poñer en marcha este curso en Primaria ao abeiro do novo Marco galego para o impulso educativo. O conselleiro Román Rodríguez reuniuse co Consello Escolar de Galicia para avaliar o inicio de curso e dar conta das accións da Xunta enfocadas a 'reforzar aprendizaxes apoiando a quen máis o precise, fomentar a cultura do esforzo e impulsar unha mellora integral e continua do sistema'.
O Consello da Xunta analizou na súa reunión de hoxe un informe da Consellería do Medio Rural sobre o anteproxecto de Lei de loita contra os incendios forestais de Galicia (LLCIF), antes da súa remisión para consulta ao Consello Forestal de Galicia, cuxa reunión está prevista para mañá martes. A futura normativa prioriza reforzar a protección da poboación e a xestión integral do territorio. O presidente do Goberno autonómico, Alfonso Rueda, lembrou que actual lexislación sobre incendios forestais 'ten case 20 anos' e 'cómpre actualizarla e adaptala aos novos tipos de lumes así como aos avances que houbo tanto na loita como na prevención de incendios'.
