martes, 6 de octubre de 2026
O director da Axencia Galega das Industrias Culturais da Xunta de Galicia, Jacobo Sutil, reuniuse cunha representación das longametraxes galegas que terán a súa estrea nas seccións competitivas do Festival de Málaga, que celebrará a súa 27ª edición do 1 ao 10 do vindeiro mes de marzo cunha decena de títulos galegos en exhibición.
Ademais de As neves e Tratamos demasiado bien a las mujeres, que optan á Biznaga de Ouro na sección oficial a concurso, e de Aurora e Salvaxe, salvaxe, seleccionadas na categoría de longas documentais, a representación galega esténdese a outros moitos apartados do certame con sete curtas, ademais de ao mercado profesional MAFIZ. Nel, a Consellería de Cultura, Educación, FP e Universidades volverá contar cun espazo propio desde o que se coordinarán diferentes accións de difusión do noso audiovisual, como reunións profesionais, proxeccións para axentes internacionais de venda e un evento promocional.
Producións subvencionadas
Asistiron a esta xuntanza Sonia Méndez, directora e produtora de As neves; Julio Casal, de Ficción Producciones, á fronte de Tratamos demasiado bien a las mujeres, de Clara Bilbao, e Area Erina, directora de Aurora, xunto a Laura Doval en representación de Gaitafilmes. Tanto estes tres títulos como Salvaxe, salvaxe, de Emilio Fonseca e producido por Walkie Talkie Films, contaron con subvención da Xunta a través da convocatoria para a produción e coprodución audiovisual ou do fondo para a atracción de rodaxes do Hub Audiovisual de Galicia.
Tamén dispuxo dunha axuda ao talento audiovisual galego a curtametraxe de Xacio Baño Platónica, platónico, de Redordelos, que compite na sección oficial de curtas documentais. En curtametraxes de ficción, foi seleccionada O frío, de Pablo do Pazo, mentres que entre as de animación figurana recente gañadora dun premio Goya To Bird or Not To Bird, de Martín Romero, e Cafunè, de Lorena Ares e Carlos F. de Vigo, que xa na pasada edición do festival obtiveron a Biznaga de Prata por Amanece la noche más larga.
A relación de títulos galegos complétase con Antes de que se poña o sol, curtametraxe de Nani Matos que se estrea dentro do apartado Afirmando los derechos de las mujeres, e Amas da terra, de Xisela Franco, na sección Cinema cocina.
Ademais do apoio promocional ao sector para a súa participación nos principais eventos cinematográficos do circuíto internacional, a Xunta de Galicia acaba de abrir a convocatoria anual de subvencións para a comercialización e difusión de proxectos e obras audiovisuais e videoxogos en foros de negocio especializados e eventos de cine celebrados fóra da Comunidade, segundo as bases publicadas hoxe no Diario Oficial de Galicia.
Incremento do 40% nas axudas á difusión e comercialización
A través desta liña, o Goberno galego contribúe á internacionalización das producións galegas cofinanciando con 70.000 euros tanto os custos da asistencia de empresas a mercados e feiras internacionais de referencia como a promoción de filmes galegos seleccionados nalgún dos máis destacados festivais do circuíto estatal e internacional. A Xunta aumentou a dotación nun 40% con respecto ao lanzamento da convocatoria de 2023, ano no que tamén se incrementou o crédito final.
Estas axudas están tamén dispoñibles para a decena de produtoras galegas desprazadas estes días a Berlín, onde están a participar no European Film Market que se desenvolve en paralelo á Berlinale. A Xunta conta alí cun espazo propio para lles dar apoio tanto loxístico como promocional baixo a marca Films from Galicia.
O certame consolídase como un espazo de exhibición para o sector profesional galego e de achegamento da cidadanía ás novas linguaxes escénicas. Teatro de Ningures abrirá a programación o xoves 15 no Teatro Principal coa estrea absoluta de Thelma e Lola. Tamén presentará por primeira vez a súa nova proposta Arun Run, que levará Inorganic ás rúas de Ourense os días 17, 18, 23, 24 e 25. Pola súa banda, a iniciativa 67 Graos Ourense Fervescénica dará a coñecer novas creacións o mércores 21 na Sala Emilia Pardo Bazán do Campus de Ourense. No apartado internacional, a compañía arxentina El Rayo Misterioso regresará ao festival con Todo terminará por Navidad.
Galicia comparte coas comunidades autónomas a súa Lei de Educación Dixital, unha normativa pioneira a nivel estatal que regulará por primeira vez o uso da IA no ensino. Faino no I foro europeo EducaIA que se celebrou en Santiago de Compostela coa participación de responsables educativos de dez comunidades autónomas, xunto con docentes e expertos na materia e a intervención por videoconferencia do director de Educación da OCDE, Andreas Schleicher.
