jueves, 6 de agosto de 2026
En liña coa posición do CdR, nas súas achegas ao documento de traballo a Xunta avoga por un enfoque máis descentralizado, no que as rexións poidan elaborar a súa propia estratexia e destinar os fondos ás actuacións máis adaptadas ás características dos seus territorios e sectores agrarios. Así mesmo, aludindo ao proceso de reestruturación do sector agrario que está tendo lugar en Galicia e noutras rexións europeas, o Goberno galego propuxo que as axudas directas se concentren exclusivamente nas explotacións profesionais.
Nesta última reunión da NAT tamén tivo lugar a aprobación de dous ditames, un sobre novas tecnoloxías xenómicas e outro sobre saúde mental, así como dous debates sobre como abordar a escaseza de medicamentos e a adopción dun Pacto Azul Europeo. Ademais, presentouse un estudo relativo ás características da participación electoral nas zonas rurais con miras ás eleccións europeas deste ano.
Galicia nas comisións CIVEX e NAT do Comité das Rexións
No actual mandato 2020- 2025 do Comité Europeo das Rexións, Galicia participa na Comisión de Recursos Naturais (NAT) e na Comisión de Cidadanía, Gobernanza e Asuntos Institucionais e Exteriores (CIVEX). A primeira elabora ditames en áreas como as políticas comúns de agricultura e pesca, o turismo ou a saúde pública.
A Xunta habilitou hoxe un apartado específico dentro da páxina web de MeteoGalicia para facilitar o acceso e as consultas relacionadas coa predición do tempo en todos os concellos galegos durante a xornada da eclipse solar, prevista para o vindeiro día 12 de agosto. Galicia será unha das rexións nas que mellor se poderá observar este fenómeno astronómico de carácter excepcional, aínda que non en todas as zonas se apreciará por igual. De feito, no espazo web dedicado ao tempo durante a eclipse hai un mapa con todos os concellos sobre o que se indica en cales será total e en cales se verá de forma parcial.
Co obxectivo de pór en valor os máis de 2.555 quilómetros de litoral que posúe Galicia, a Xunta ven de lanzar o Camiño do Litoral. Trátase dun itinerario único que discorre por 78 municipios costeiros a través de 52 etapas, concibido para ofrecer unha alternativa de turismo sustentable e amosar a convivencia entre a conservación ambiental e o desenvolvemento socioeconómico da zona. Esta gran ruta vertebradora, que xurde como unha das medidas clave ao abeiro da Lei de ordenación e xestión integrada do litoral de Galicia, conecta espazos naturais, vilas mariñeiras e un rico patrimonio.
