lunes, 26 de octubre de 2026
O representante de Turismo de Galicia salientou que a intención de Galicia neste 2024 é continuar apostando pola España Verde para seguir facendo fortes estes destinos. Antonio Casas agradeceu ao País Vasco o intenso traballo de promoción e comprometeuse a que baixo, a coordinación de Galicia, se poida avanzar consolidando a nosa presencia e extendendo a marca España Verde noutros lugares. Neste sentido, avanzou que están previstas distintas acción promocionais para os mercados de Nova York, Londres, Berlín, Viena, Zurich, Milán, Roma ou París, entre outros moitos.
Corredor Ecoturístico
Tamén se realizará unha acción especial de promoción da gastronomía da España Verde en Lisboa e, sobre todo, será o ano no que se verán os resultados do ambicioso proxecto no que están participando todas as Comunidades desta marca turística. Trátase do Corredor de Ecoturismo da España Verde, coa que se pretende crear o maior corredor ecoturístico de Europa co financiamento dos fondos Next Generation.
Como avanzou o xerente de Turismo de Galicia, tras ter presentado a iniciativa este ano ao sector e entidades, está previsto que durante 2024 o produto estea xa deseñado para contar cunha gran ruta que atravese os principais lugares de especial interese natural da España Verde. Participan espazos naturais protexidos e empresas vinculadas á observación da fauna, aloxamento, empresas de turismo activo, entre outras. Os plans de Galicia pasan tamén por impulsar o Camiño de Santiago como feito diferencial que vertebra ás Comunidades da España Verde.
Foi inaugurada no Museo do Pobo Galego a exposición 'Transfronteiriza', da artista e cineasta tudense Diana Gonçalves, que permanecerá aberta ao público ata o 28 de marzo de 2027. A mostra parte do documental 'Mulleres da Raia', da mesma autora, e froito de tres anos de investigación. A través da linguaxe cinematográfica, de materiais documentais, arquivos históricos e elementos patrimoniais, a proposta constrúe unha experiencia arredor da memoria compartida entre Galicia e o norte de Portugal. En concreto, Transfronteiriza recupera a memoria das mulleres que viviron na fronteira entre ambos territorios a mediados do século XX, que desempeñaron un papel fundamental no comercio transfronteirizo e na supervivencia económica das familias.
Trátase dunha iniciativa que nace como evolución de Circo Presente Continuo e que se vai desenvolver por primeira vez fóra de Madrid. A Cidade da Cultura, o Teatro Principal e o Salón Teatro serán as súas sedes na capital galega, reunindo artistas, compañías, profesionais da programación, distribuidoras e institucións para compartir proxectos e favorecer novas oportunidades de colaboración e contratación. O programa inclúe oito espectáculos, seis mostras breves e catro traballos en proceso. Entre as propostas figuran Naufragio, de Labsurda; Serena, de Circ Bover; Matrimonio, de Kolektivo Konika; Siku, de Jessica Arpin; e Sen patrón, de Pistacatro, que ofreceu un adianto artístico durante a presentación.
