martes, 2 de diciembre de 2025
Xa en Ourense, a Biblioteca Nós programa unha ampla variedade de actividades, nas que se inclúe o nomeamento dos socios de honra e visitas guiadas ás 11,00 e ás 13,00 horas. Ás 11,30 horas, esta entidade organiza un club de escrita creativa para adultos maiores de 30 anos, mentres que as 17,15 horas será a quenda do club de lectura de novela negra e, ás 18,00 horas, de obras en galego. Tamén ás 18,00 horas, a artista Soledad Felloza levará aos bebés de 1 a 3 anos o Bebecontos con Cabaliño Hop. Para culminar a súa programación, ás 19,00 horas celebrarase o debate Subir a por aire e un faladoiro en inglés.
En Pontevedra, a Biblioteca Antonio Odriozola tamén nomeará aos seus tres socios de honra do 2023, ademais de achegar un obradoiro interactivo con música e contos en inglés da man de Anias.
Pola súa banda, a Biblioteca de Galicia, na Cidade da Cultura, repartirá agasallos con bolsas sorpresa de libros aos usuarios e visitantes que pasen polas instalacións a partir das 09,00 horas e realizará unha visita guiada ás 12,00 horas. Tamén en Santiago, a Biblioteca Ánxel Casal opta polos préstamos a cegas, na que os visitantes escollerán unha bolsa con libros sorpresa, e o nomeamento dos socios de honra, que será para os tres usuarios con máis préstamos durante o ano 2023.
A Biblioteca Juan Compañel de Vigo celebrará o Día do usuario co sorteo de dous lotes de libros entre os usuarios que asistan á biblioteca mañá e realizará visitas guiadas ás 12,00 e ás 18,00 horas, así como o nomeamento dos socios de honra aos tres usuarios con máis préstamos durante o 2023. Ás 18,00 horas, os bebés terán o seu momento co contacontos Glup. Ramiro Neira.
Citas o 13 de xaneiro
Ademais, as bibliotecas estenden a celebración e o sábado 13 de xaneiro tamén se celebrarán diversas actividades. A Biblioteca Miguel González Garcés ten axendado o contacontos Cabicivai: os contos de Pablísimo ás 12,00 horas e para público infantil. Así mesmo, a Biblioteca Ánxel Casal organiza o contacontos A caixa de Pandora, con maxia da man do Mago Toño, con entrada libre ata completar aforo para cativos de 3 a 8 anos. Finalmente, a Biblioteca Juan Compañel programa outro contacontos ás 12,00 horas: Iván Davila achega a historia Animais artistas e outras cousiñas, para nenos de máis de 4 anos con inscrición previa.
A Xunta de Galicia rexeita o Expediente de Regulación Temporal de Emprego (ERTE) que vén de presentar a dirección da planta de Sargadelos en Cervo, ao tempo que insta á reanudación da actividade canto antes en defensa dos dereitos das persoas traballadoras. Como autoridade laboral, o Goberno galego aprecia incongruencia na solicitude presentada ao non axustarse á normativa aplicable e demanda información e documentación adicional á dirección da empresa. Así mesmo, reafirma que como non pode ser doutro xeito velará polo cumprimento da lexislación laboral e denunciará calquera ilegalidade que se detecte.
A Consellería de Sanidade publica o informe de actividade das infeccións respiratorias agudas correspondente á semana do 17 ao 23 de novembro, que sinala que a actividade gripal en Galicia segue con intensidade baixa e tendencia crecente. Respecto da semana anterior, rexístrase un aumento na taxa de consultas por gripe en atención primaria dun 40,3 %. Así, esta taxa sitúase en 72,1 consultas por 100.000 habitantes. Produciuse aumento da taxa en todos os grupos de idade, destacando o grupo de 0 a 4 anos cun aumento do 78 %. Os grupos coa maior taxa de consultas seguen a ser o de 0 a 4 anos con 188,4 consultas por 100.000 habitantes. No que atinxe ás áreas sanitarias, incrementáronse as consultas en todas elas, duplicándose o valor na área de Vigo e rexistrando un aumento das súas taxas as áreas de Ourense (96,6 %) e de Lugo (79,3 %).
