martes, 17 de febrero de 2026
Tamén se aprobou a nova convocatoria do plan de eficiencia enerxética. Galicia, xunto a outras Comunidades autónomas, solicitou que se modificaran as condicións desta nova convocatoria, para adecualas ás demandas do sector. Así se aprobou finalmente, de xeito que na nova convocatoria de axudas para a mellora da eficiencia enerxética para as empresas turísticas eliminaranse as esixencias de aforro enerxético do 30% e se subvencionará tamén a enerxía fotovoltaica, Tamén se solicitou a ampliación de prazo de execución ata 2026, que finalmente se formularía ante a Unión Europea por se é posible implementalo como unha addenda. Galicia xestionará 5,5M para estes aspectos.
A maiores, aprobouse unha campaña de comunicación e sensibilización que desenvolverá cada territorio cun investimento de algo máis de 400.000 euros para o destino galego.
A Xunta de Galicia abre a finais do mes de febreiro no Museo Centro Gaiás As estacións do ano na arte galega dos séculos XX e XXI, unha exposición concibida como experiencia sensorial e inmersiva ao redor das representacións estéticas da primavera, o verán, o outono e o inverno galegos. Xogando coa colocación das obras no espazo, así como coa temperatura, as cores, os sons e as texturas, As estacións do ano constrúe un itinerario singular pola historia da arte que vai desde o Movemento Rexionalista de comezos do pasado século ata as xeracións máis novas que están a gañar recoñecemento a nivel estatal e internacional.
A conselleira do Mar, Marta Villaverde, reiterou hoxe a necesidade de que o Executivo estatal rebaixe o IVE dos produtos pesqueiros, unha demanda persistente do conxunto da cadea mar-industria galega que, segundo subliñou, permitiría favorecer hábitos de alimentación saudable e reforzar un sector estratéxico para Galicia. A responsable autonómica insistiu nesta petición durante a inauguración da xornada A fiscalidade dos alimentos: retos e realidade no sector primario, organizada pola Unión de Consumidores de Galicia (UCGAL) en colaboración co Consello Económico e Social. Tamén incidiu en que o peixe, o marisco e as conservas constitúen alimentos de alto valor nutricional e recordou que Galicia leva anos defendendo que deben ser considerados produtos básicos tamén desde o punto de vista fiscal.
