sábado, 8 de agosto de 2026
Esta aposta tense traducido nos últimos anos na construción de máis de 250 quilómetros de sendas para peóns e ciclistas cun investimento autonómico de 50 M. Ademais, segundo indicou, terán continuidade e completarase coas sendas metropolitanas que se están a promover nas cidades, como a que conectará ou Milladoiro, a intermodal e o complexo de San Caetano, en Santiago.
A conselleira tamén fixo fincapé na aposta sen precedentes realizada pola administración autonómica polo transporte público como modo de transporte máis sostible, máis accesible e máis económico para o conxunto da cidadanía.
Ethel Vázquez referiuse ao esforzo titánico realizado na renovación do transporte público autonómico, coa modernización de todas as liñas de transporte interurbano, pasando de 900 a máis de 3.500 na actualidade, e de 1,48 millóns de servizos ao ano a ofrecer na actualidade 2,3 millóns de servizos.
Isto, tal e como concretou a conselleira, permitiu multiplicar a cobertura territorial, ao pasar de 20.0000 paradas ás 56.000, achegando o transporte público a todos os galegos e permitindo que máis do 90 % da poboación teña un punto de acceso ao transporte público a menos de 1 km da súa casa.
A titular de Infraestruturas e Mobilidade da Xunta referiuse, ademais, á mellora das tarifas, abaratando con carácter xeral o prezo do billete e establecendo un amplo abanico de descontos que facilitan o acceso ao transporte público e incentivan o seu uso.
Salientou a medida social que supón a tarxeta Xente Nova, coa que máis de 160.000 mozos de menos de 21 anos viaxan gratis no transporte público da Xunta, iniciativa á que a partir do 1 de xaneiro se sumará a gratuidade tamén para os maiores de 65 anos, co que Galicia volverá ser pioneira, incidiu.
A conselleira remarcou o compromiso do Goberno galego pola sustentabilidade ambiental, en liña cos obxectivos de desenvolvemento sostible e o Green Deal, o Pacto Verde que propugna a Comisión Europea, que significa avanzar tamén cara a unha maior calidade de vida.
Ethel Vázquez sinalou que o compromiso pola sustentabilidade ambiental levou á Xunta a poñer en marcha novas modalidades do transporte, como o transporte compartido que permite aproveitar as prazas baleiras do transporte escolar, e o transporte baixo demanda.
Puxo o acento, ademais, no impulso da renovación da frota, situándose hoxe a idade media dos autobuses que prestan servizo no transporte interurbano da Xunta en 5,7 anos de antigüidade fronte á media nacional, que supera os 11 anos.
A loita contra os incendios forestais suma un novo aliado tecnolóxico ao servizo de toda a sociedade. A aplicación móbil ALume, deseñada para facilitar que calquera persoa poida dar a alarma sobre un foco de lume de forma inmediata e precisa, xa se atopa plenamente operativa e dispoñible para a súa descarga de balde nas plataformas Android e iOS. O obxectivo principal desta ferramenta é potenciar a detección temperá dos incendios forestais. Nunha emerxencia no monte, os primeiros minutos son decisivos para evitar que un foco inicial se converta nun gran incendio; por iso, ALume nace para acurtar os tempos de aviso e facilitar ao servizo de extinción datos exactos antes de despregar os medios sobre o terreo. Cabe sinalar que a aplicación leva xa 7.000 descargas e 200 notificacións que axudaron ao operativo.
Un dos grandes atractivos desta undécima edición será a estrea de dez novos espectáculos, todos eles impulsados por compañías galegas, un dato que evidencia o dinamismo creativo do sector dos monicreques na Comunidade. A programación abrirase coa nova versión de A festa dos títeres, presentada por Viravolta, Vai de Roda e Títeres Alakrán, para continuar coa estrea de Treco-lerias, de Trécola Producións, e A rosa de papel, adaptación ao teatro de monicreques do texto de Valle-Inclán realizada por Alakrán.
