viernes, 23 de octubre de 2026
De feito, esta nova normativa está adaptada á nosa realidade xeográfica, ao noso modelo produtivo e á nosa forma de vida, engadiu. A maiores, a lei galega aposta por un territorio ordenado, compatible co tecido produtivo, fiel ao modo de vida dos galegos e respectuoso co medio ambiente. Esa posta aposta pola integración, contraponse, segundo expuxo Ángeles Vázquez, ao modelo de exclusión polo que avoga o Goberno central ao pretender eliminar da costa calquera vestixio humano.
Nesa liña, a vicepresidenta segunda lamentou, de novo, a presentación dun recurso de inconstitucionalidade por parte do Goberno central sen abrir ningún procedemento de diálogo previo, como, por exemplo, a través dunha comisión bilateral.
A interposición dese recurso e a conseguinte suspensión de parte do seu articulado supón que tanto os concellos como as empresas da cadea mar-industria queden sumidos nunha inseguridade xurídica que imposibilita levar a cabo servizos básicos e esenciais para a cidadanía e provoca a perda de oportunidades de crecemento.
Ademais, a vicepresidenta segunda reiterou a aposta do Goberno galego pola planificación integral de todo o territorio para que a Comunidade sexa cada vez máis un refuxio climático, sostible, máis ordenado e máis verde.
Urbanismo responsable
Por outra banda, reiterou que a Xunta segue a traballar cos concellos para acadar o obxectivo de dotar a todas as entidades locais dun instrumento urbanístico á altura das súas necesidades e acorde co marco normativo vixente. De feito, 115 municipios galegos contan xa cun planeamento adaptado.
Ademais, Ángeles Vázquez puxo en valor que ese compromiso por contar cun territorio ordenado e un urbanismo responsable inclúe aos concellos de menos de 5.000 habitantes que, a través dos plans básicos municipais, poden dispor dunha ordenación urbanística básica. Na actualidade 4 concellos xa teñen aprobados os seus PBM e outros 20 están en diferentes fases de tramitación.
E nesa liña de colaboración e co obxectivo de simplificar a tramitación administrativa, o Goberno galego puxo en marcha a Xunta Consultiva en materia de Ordenación do Territorio e Urbanismo. Trátase dun instrumento de asesoramento e de colaboración con entidades locais e axentes sociais e económicos, que conta con máis de 30 puntos de vista interdisciplinares que garanten o rigor e obxectividade dos ditames; centraliza e divulga todas as consultas que trasladan á Xunta todas as entidades e organismos, e axiliza os diferentes expedientes administrativos necesarios para obter un permiso, autorización ou licencia
Para concluír, Ángeles Vázquez avanzou que a edición de 2025 deste foro, no que se avalían os avances, as prácticas e as experiencias que xorden no proceso de recuperación, transformación e resiliencia impulsado desde as diferentes administracións, se celebrará en Galicia.
Foi inaugurada no Museo do Pobo Galego a exposición 'Transfronteiriza', da artista e cineasta tudense Diana Gonçalves, que permanecerá aberta ao público ata o 28 de marzo de 2027. A mostra parte do documental 'Mulleres da Raia', da mesma autora, e froito de tres anos de investigación. A través da linguaxe cinematográfica, de materiais documentais, arquivos históricos e elementos patrimoniais, a proposta constrúe unha experiencia arredor da memoria compartida entre Galicia e o norte de Portugal. En concreto, Transfronteiriza recupera a memoria das mulleres que viviron na fronteira entre ambos territorios a mediados do século XX, que desempeñaron un papel fundamental no comercio transfronteirizo e na supervivencia económica das familias.
Trátase dunha iniciativa que nace como evolución de Circo Presente Continuo e que se vai desenvolver por primeira vez fóra de Madrid. A Cidade da Cultura, o Teatro Principal e o Salón Teatro serán as súas sedes na capital galega, reunindo artistas, compañías, profesionais da programación, distribuidoras e institucións para compartir proxectos e favorecer novas oportunidades de colaboración e contratación. O programa inclúe oito espectáculos, seis mostras breves e catro traballos en proceso. Entre as propostas figuran Naufragio, de Labsurda; Serena, de Circ Bover; Matrimonio, de Kolektivo Konika; Siku, de Jessica Arpin; e Sen patrón, de Pistacatro, que ofreceu un adianto artístico durante a presentación.
