domingo, 18 de octubre de 2026
E tamén son valores mellores que antes da pandemia, neste caso o incremento é dun 20 % e convértense nos mellores datos dun mes de setembro desde que se teñen rexistros. Trátase de cifras especialmente significativas nun ano post-Xacobeo no que habitualmente os niveis de demanda caen en termos interanuais.
No mes de setembro destaca de novo o comportamento do turismo internacional. O 66 % das noites en hoteis e pensións corresponderon ao turismo nacional, o 18 % ao dos propios galegos e o 34 % ao turistas estranxeiros. Este segmento turístico, ademais, foi o que máis dinamismo tivo neste mes, que supera nun 23 % o volume de noites con respecto ao ano pasado.
Consolidación da recuperación
Estas boas cifras acontecen nun contexto, ademais, que permite que o sector hoteleiro mellorase en setembro nun 8 % nos niveis de rendibilidade, en comparación cos datos do pasado ano. Con estas cifras estímase que o sector hoteleiro obtivo uns ingresos totais nominais de 47,8 millóns de euros en setembro (un 10,4 % máis que o ano pasado), e tamén superior ao valor previo á pandemia, de setembro de 2019, cando se facturaban 36,6 millóns de euros no segmento hoteleiro da comunidade. Polo que se trata das cifras máis altas da serie histórica de setembro.
Estas cifras constatan a consolidación da recuperación do turismo galego e fanse extensivas tamén ao acumulado do ano, no que, segundo os datos do INE, a rendibilidade hoteleira tamén está a medrar nos nove primeiros meses do ano, neste caso un 7 %. As cifras globais de viaxeiros e noites completaranse cando o INE contabilice tamén os datos do resto de establecementos de aloxamento (establecementos de turismo rural, campings, albergues, apartamentos e vivendas turísticas) na súa enquisa de establecementos extrahoteleiros.
O xurado dos Premios da Cultura Galega 2026 reuniuse hoxe en Santiago de Compostela para outorgar os recoñecementos desta edición. A xuntanza, que tivo lugar na Cidade da Cultura de Galicia, estivo presidida polo conselleiro de Cultura, Lingua e Xuventude, José López Campos. Ao remate do acto, fíxose público o fallo nas distintas categorías propostas, resultando galardoados María Solar, en Letras; Almudena Fernández Fariña, en Artes Visuais; a compañía Elefante Elegante, en Artes Escénicas; a Asociación Galega de Empresas Musicais, en Música; Alfonso Zarauza, na categoría Audiovisual; Espazo Lectura, en Lingua; o Obradoiro de Gaitas Seivane, en Patrimonio Cultural; e o Festival EmigraSON, en Proxección Exterior.
O obxectivo desta rede de recursos é acompañar ás persoas con discapacidade ao longo da súa vida, desde os primeiros anos ata que se fan maiores, ofrecendo respostas axeitadas a cada etapa e a cada necesidade. Desde o ano 2016, o número de unidades de atención temperá aumentou ata as 57. Estes servizos públicos e gratuítos dirixidos a nenas e nenos de 0 a 6 anos de idade son fundamentais para detectar, previr e actuar ante trastornos de desenvolvemento. A Rede galega de atención temperá na actualidade chega a máis de 200 concellos e a 6.000 familias.
