domingo, 29 de marzo de 2026
A Xunta é a principal patrocinadora da cuarta edición do MUMI-Músicas do Minho, encontro profesional de intercambio que reunirá ata o domingo 200 profesionais do sector musical ao redor dun programa que inclúe faladoiros, reunións de negocios, concertos abertos e conferencias. O concello galego de Tui e o municipio portugués de Valença do Minho convértense nas sedes dun evento transfronteirizo que o Goberno galego apoia como unha mostra máis do seu compromiso no achegamento ao Norte de Portugal en todos os ámbitos.
Nesta liña manifestouse esta mañá o director de Axencia Galega das Industrias Culturais, Jacobo Sutil, quen se trasladou á Universidade de Valença do Minho para participar na recepción de benvida do MUMI xunto a Aitana Cuétara, coordinadora galega do evento, e Diana Martins, a súa homologa lusa, así como doutros voceiros do resto de entidades colaboradoras.
O representante da Consellería de Cultura, Educación, FP e Universidades definiu como obxectivo estratéxico irrenunciable o estreitamento de lazos culturais entre ambas beiras do Miño. Explicou tamén que o MUMI, con tan só catro anos de traxectoria é xa unha ferramenta magnífica para acadar esta meta, especialmente, no referente á música.
Para o responsable de Industrias Culturais da Xunta, este encontro sectorial transcende máis alá das relacións existentes entre Galicia e Norte de Portugal polo seu enorme impacto, xa que malia celebrarse nun espazo común e acoutado territorialmente pola eurocidade Tui-Valença, o seu eco espállase por toda a Península Ibérica grazas ao efecto multiplicador que acadan os proxectos artísticos e contactos que agroman no seo do MUMI.
Programadores e axencias
O encontro MUMI-Músicas do Minho conta con máis de 200 profesionais do sector musical acreditados. Entre a relación de participantes, destaca a concorrencia de medio centenar de responsables da programación cultural de concellos como As Pontes, Padrón, Carral, Cedeira, Póvoa do Varzim ou Matoshinhos, e da dirección de festivais como Arteficial, Revenidas, 17º Ribeira Sacra, SonRías Baixas, PortAmérica, Minho Reggae ou Gaia World Music. No eido empresarial, tamén acudirán axencias como Esmerarte, Correveydile, La Yogurtera ou DOrfeu Agueda; as salas Mardi Grass e A Pousada da Galiza Imaxinaria e representantes de entidades profesionais como Músicas ao Vivo ou a Asociación Galega de Profesionais da Xestión Cultural.
Todos estes axentes participarán da programación profesional que se aglutina ao redor da chamada Zona PRO, instalada no edificio da Escola Superior de Ciencias Empresarias de Valença. Ao longo do MUMI celebraranse roldas de encontros rápidos, sesións de intercambio, xuntanzas con artistas ou conferencias sectoriais.
Artistas de Galicia e Portugal
O cartel do MUMI inclúe 18 concertos e actuacións, gran parte deles en formato showcase abertos ao público. A carteleira repártese ao longo desta fin de semana, combinando voces galegas con bandas e cantantes de Portugal. Desde a nosa Comunidade, participaron xa formacións como Habelas Hainas, que abriu cunha ruada en Tui a actividade previa ao concerto especial de abertura de onte; e actuarán hoxe Xurxo Fernández, Anxo Araújo, Diego Alonso 5Tet ou Mondra, cantante que forma parte de Sonemerxente, primeira edición da aceleradora de proxectos musicais organizada pola Xunta e a Fundación Paideia.
Xa na programación de mañá sábado, sobre os múltiples escenarios repartidos entre Tui e Valença do Minho soarán as propostas galegas de Moura, Antía Muíño ou Lontreira. Desde a outra banda da Raia, actuarán ao longo do fin de semana grupos como Virgem Suta, Retimbrar, Aníbal Zola ou Expresso Transatlântico. Ao cartel de artistas galegos e lusos hai que sumarlle a participación dos catalás Alba Careta&Henrio, que chegan ao MUMI grazas á colaboración establecida coa Fira Mediterrània de Manresa a través dunha acción de intercambio apoiada pola Axencia Galega das Industrias Culturais.
O presidente da Xunta, Alfonso Rueda, anunciou hoxe que a Xunta destinará un total de 270 millóns de euros a paliar os efectos do conflito en Oriente Medio na nosa comunidade. Durante a sesión de control no Pleno do Parlamento de Galicia en resposta ás preguntas dos grupos parlamentarios, o titular do Goberno galego lembrou, ao respecto da situación en Oriente Medio, que o Consello da Xunta xa analizou hai dúas semanas 'os primeiros impactos' e que Galicia foi 'a primeira comunidade autónoma en falar cos clústeres'. Nesta liña, o presidente anunciou que o vindeiro Consello autorizará 'un plan de máis de 150 millóns' para atender aos sectores afectados, que se sumará aos máis de 120 millóns que suporá para Galicia financiar as iniciativas do Goberno central a este respecto.
Para a edición de 2026, chegan desde o outro lado do Atlántico La Cura e El Vacío (ambas estreas en España), nas que o coreógrafo cubano Julio César Iglesias dirixe á prestixiosa Compañía Colombiana de Danza Contemporánea. Tamén a conferencia escénica Arder Épica (Cap. 1) na que o artista brasileiro Reinaldo Ribeiro constrúe unha nova memoria colectiva a partir das cinzas que deixou o incendio do Museo Nacional do Brasil en 2018. Forma parte tamén da programación a instalación inmersiva Hecatombe II: Movementos e rituais para a renovación do mundo, da colombiana de orixe indíxena Martha Hincapié Charry, que rescata saberes ancestrais de líderes nativos das primeiras nacións americanas.
