domingo, 29 de marzo de 2026
O director de Turismo de Galicia, Xosé Merelles, participou esta mañá nos actos de homenaxe promovidos con motivo dos 20 anos de actividade da Fundación Aquae Querquennae Vía Nova, da que forma parte a Xunta de Galicia. No acto estivo acompañado, entre outras autoridades, pola responsable da área termal de Turismo de Galicia, Mª Belén Gómez.
Durante a súa intervención, Merelles destacou o traballo levado adiante ao longo destes anos na posta en valor tanto do conxunto patrimonial, termal e arqueolóxico situado en Bande, no que destacoU o conxunto no que conflúe o campamento militar e a mansión Aquis Querquennis así como o itinerario da Vía Nova e que deu lugar á construción dunha serie de edificios que contribuíron a dar a coñecer Porto Quintela como un tesouro único en Galicia, onde gozar da historia, da cultura e das augas termais ao longo de todo o ano, explicou o director de Turismo de Galicia, quen destacou a aposta das admininstracións públicas no territorio coa creación do museo ou o centro de interpretación, este último a cargo de Turismo de Galicia e a Deputación de Ourense.
Neste sentido, Merelles destacou a aportación que fixo Turismo de Galicia ao concello tanto para o embecelecemento de vía pública de acceso ao complexo arqueolóxico Aquis Querquennis como para a adecuación do espazo destinado ao estacionamento de autocaravanas nesta contorna, actuacións estas últimos que supuxeron un investimento de case 60.000 euros nestes dous últimos anos.
O presidente da Xunta, Alfonso Rueda, anunciou hoxe que a Xunta destinará un total de 270 millóns de euros a paliar os efectos do conflito en Oriente Medio na nosa comunidade. Durante a sesión de control no Pleno do Parlamento de Galicia en resposta ás preguntas dos grupos parlamentarios, o titular do Goberno galego lembrou, ao respecto da situación en Oriente Medio, que o Consello da Xunta xa analizou hai dúas semanas 'os primeiros impactos' e que Galicia foi 'a primeira comunidade autónoma en falar cos clústeres'. Nesta liña, o presidente anunciou que o vindeiro Consello autorizará 'un plan de máis de 150 millóns' para atender aos sectores afectados, que se sumará aos máis de 120 millóns que suporá para Galicia financiar as iniciativas do Goberno central a este respecto.
Para a edición de 2026, chegan desde o outro lado do Atlántico La Cura e El Vacío (ambas estreas en España), nas que o coreógrafo cubano Julio César Iglesias dirixe á prestixiosa Compañía Colombiana de Danza Contemporánea. Tamén a conferencia escénica Arder Épica (Cap. 1) na que o artista brasileiro Reinaldo Ribeiro constrúe unha nova memoria colectiva a partir das cinzas que deixou o incendio do Museo Nacional do Brasil en 2018. Forma parte tamén da programación a instalación inmersiva Hecatombe II: Movementos e rituais para a renovación do mundo, da colombiana de orixe indíxena Martha Hincapié Charry, que rescata saberes ancestrais de líderes nativos das primeiras nacións americanas.
