jueves, 15 de octubre de 2026
En canto ao paro, con respecto a hai un ano e na comparativa con maio, caeu nas catro provincias galegas, nas sete grandes cidades, en todos os sectores económicos, así como nos colectivos prioritarios para a Xunta como son, entre outros, os menores de 30 anos, as mulleres e os parados de longa duración.
Máis polo miúdo, na evolución anual o paro diminuíu nun -8,45% (-11.908 persoas), unha caída superior á reflectida no Estado con 1,79 puntos de vantaxe. Por sectores, liderou o descenso o primario (-15,74%), seguido da industria (-12,15%), da construción (-11,28%) e dos servizos (-8%).
Por colectivos prioritarios, decreceu, especialmente entre os menores de 30 anos (-15%) seguido das mulleres (-7,65%) e dos parados de longa duración (-2,84%). As cifras de parados de menos de 30 anos e de mulleres sen emprego son as menores da serie histórica (2005). Ademais, o número de persoas paradas de longa duración é o máis baixo nun xuño desde 2008.
As afiliacións, pola súa banda, continúan a superar a barreira do millón, situándose a cifra en 1.067.230, un nivel superior ao reflectido hai 14 anos, en xuño de 2009.
Comparativa mensual
En canto á comparativa co mes pasado, o paro tamén diminuíu en Galicia, nun -4,02% (-5.410), unha cifra que sitúa á comunidade como a terceira na que máis cae o desemprego tanto en termos relativos como absolutos. O descenso, ademais, supera á caída rexistrada na media estatal en 2,18 puntos.
Por sectores económicos, liderou a baixada os servizos (-4,42%), seguido do primario (-3,96%), da construción (-3,27%) e da industria (-3,13%). As afiliacións tamén creceron na comunidade galega, nun 0,77% (+8.145), e con respecto ao Estado, Galicia presenta un ritmo de subida maior. De feito, é a quinta comunidade na que máis soben as cotizacións no último mes, tanto en termos absolutos como relativos.
Rivo sinalou que os datos coñecidos hoxe reflicten que Galicia continúa a xerar emprego e que a evolución do mercado de traballo é positiva. Seguimos, polo tanto, impulsando as nosas políticas activas de emprego e continuamos a traballar arreo para conseguir que Galicia sexa un territorio cada vez máis atractivo para traballar, indicou.
A titular de Emprego destacou que o reto máis importante neste momento é casar oferta con demanda e dar resposta ás demandas do tecido produtivo para que as 14.000 vacantes laborais que existen hoxe en día no mercado de traballo poidan cubrirse, e sempre coa mirada posta na igualdade, subliñou.
Tamén indicou que co foco posto no emprendemento, xa que as micropemes e pemes constitúen o 97% do tecido empresarial: a través da Rede de polos de emprendemento e apoio ao emprego que está a asesorar ás persoas emprendedoras, dinamizando o mercado laboral e xerando traballo; e con axudas para apoiar o emprendemento entre os autónomos, nas pemes e na economía social, con achegas de ata 30.000 euros para os seus investimentos.
A conselleira do Mar, Marta Villaverde, liderou esta na capital comunitaria a delegación da Conferencia de Rexións Periféricas Marítimas (CRPM) que mantivo unha reunión de traballo na sede da Dirección Xeral de Asuntos Marítimos e Pesca (DG MARE) con representantes deste departamento da Comisión Europea. No encontro participaron mandatarios e representantes de territorios costeiros de concas como o Atlántico, o Mediterráneo ou o mar do Norte para abordar a futura estratexia Visión 2040 e a necesaria actualización da Política Pesqueira Común (PPC).
Un total de cinco candidaturas galegas optan como finalistas aos XIX Premios Nacionais de Artesanía, convocados polo Ministerio de Industria, Comercio e Turismo. Galicia convértese así na comunidade con máis finalistas, con candidaturas en catro das cinco categorías. En concreto, os ceramistas Barreiros Artesanía e a deseñadora e redeira Amalia Puga optan ao Premio Produto, mentres que Sandra Vilas é candidata por segundo ano consecutivo ao Premio Emprendemento.
