lunes, 20 de abril de 2026
Alí o titular de Mar tamén lembrou que Galicia leva anos solicitando ao Goberno central a redución do IVE dos produtos do mar do 10 ao 4 % para igualar o tipo fiscal ao doutros países da UE.
A isto engadiu que a reticencia do Goberno central a atender esta demanda, reiterada tamén en varias ocasións polo sector, sitúa a España nunha posición de desvantaxe competitiva en relación con outros Estados membro. Neste caso puxo o exemplo de Portugal, que recentemente asinou un acordo cos sectores da produción e a distribución para eliminar o IVE dos peixes de maior consumo, un feito, subliñou, que debería sentar un precedente para o Executivo español.
En canto ao importante papel do sector e á vocación marítima de Galicia, Alfonso Villares salientou que Galicia desembarca máis do 11 % do produto fresco da UE e en acuicultura produce o 14 % do total dos 27.
Ademais destacou o alto impacto da actividade marítimo-pesqueira no conxunto da economía galega pois incide no 91 % das ramas empresariais tal e como reflicten as Táboas input-output da pesca-conserva galega 2019, que cifran nuns 9.000 millóns de euros o volume de produción e comercialización da cadea mar-industria. Tamén puxo de relevo os 2.700 millóns de euros en exportacións acadados no 2022.
Na súa primeira intervención como conselleiro do Mar, Alfonso Villares tamén recoñeceu o labor da súa predecesora, Rosa Quintana, a prol do sector marítimo-pesqueiro. Unha figura, sinalou, moi valorada en Galicia por todo o que deu ao sector e todo o que lle seguirá dando. Ademais agradeceu ao presidente da Xunta a oportunidade que lle brindou e que asume con gran responsabilidade.
En relación coa Asociación de Fabricantes e Distribuidores (Aecoc), o conselleiro puxo en valor o labor das máis de 32.000 empresas que a conforman e que permitiu progresar e medrar o seu carácter cooperativo entre todos os elos da cadea de valor.
O evento
Aecoc celebra o seu 23º congreso de produtos do mar co obxectivo de ser a cita de referencia das empresas socias da entidade, entre as que se atopan representantes das distintas actividades relacionadas co complexo mar-industria, desde o sector primario ata a industria, a distribución e os operadores intermedios. A finalidade é mellorar a competitividade do sector compartindo solucións e analizando os retos aos que se enfronta o mercado en cada momento.
Nesta edición do congreso abordaranse temáticas como a baixada do consumo de produtos do mar, a adaptación da oferta aos hábitos de consumo, o impacto da economía azul e o incremento da regulación das pesqueiras, entre outras cuestións. Para iso o encontro ofrece aos profesionais espazos de networking nos que intercambiar ideas, compartir inquedanzas e explorar posibles proxectos de colaboración.
O FIV de Vilalba volverá reunir na localidade lucense unha programación destacada da escena independente e alternativa estatal, cun cartel no que figuran nomes como Carlos Ares, Alcalá Norte, La M.O.D.A. e Ángel Stanich, xunto a outras propostas moi presentes no panorama actual como Repion, Puño Dragón, Celia Becks, Futuro Alcalde, Grande Osso e Rapariga DJ. A boa resposta do público nas últimas semanas confirma, ademais, a gran acollida desta edición, coa previsión de que Vilalba volva encherse de ambiente festivalero a próxima fin de semana. A programación do FIV de Vilalba desenvolverase entre o Escenario Vibra Mahou, o Escenario #Fiver by Lactalis e a Zona DJ, consolidando un formato que combina os grandes concertos nocturnos coa actividade diúrna do sábado.
Galicia sitúase como a comunidade autónoma con menor porcentaxe de pacientes que agardan máis de 60 días por unha consulta co especialista. Así o referendan os datos publicados polo Ministerio de Sanidade sobre listas de espera no Sistema Nacional de Saúde a peche de 2025. Segundo os datos, en decembro de 2025 a comunidade galega situouse como a cuarta rexión española con mellores tempos medios de espera no ámbito das primeiras consultas. Neste eido, o Servizo Galego de Saúde rexistrou unha media de 63 días de espera, fronte aos 102 do Sistema Nacional de Saúde. Estas cifras reflicten que os galegos esperan 39 días menos para acceder a unha consulta co especialista que a media dos españois.
