miércoles, 28 de octubre de 2026
O Consello avaliou hoxe un informe sobre o proxecto decreto polo que se fixarán os prezos públicos pola prestación de servizos académicos e administrativos no Sistema Universitario de Galicia para o vindeiro curso. Nel establécese que, por décimo terceiro ano consecutivo, os prezos das matrículas universitarias para graos ou másteres nas tres universidades públicas galegas vanse manter conxelados, o que supón un aforro de entre 16 e 20 millóns anuais para as familias galegas, segundo subliñou o presidente. Rueda indicou que, desde 2011, o aforro acadado aos fogares galegos ascende a 230 millóns de euros.
As taxas universitarias mantéñense invariables, cun prezo medio de 11,89 /crédito para todas as primeiras matrículas de grao e de máster non habilitantes (enfocados á especialización de coñecemento ou á investigación científica) e habilitantes (necesarios para exercer unha profesión). Isto fai que Galicia sexa a comunidade máis barata do Estado nos estudos de máster non habilitante e a segunda no caso dos graos e de máster habilitante (tan só superada por Canarias a moi pouca distancia).
Esta medida supón un aforro de entre os 215,40 /curso de aforro para un estudante de grao, os 236,40 /curso para un estudante dun máster habilitante e os 962,40 /curso no resto de máster universitarios.
Matrículas de grao
No caso das matrículas de grao, o prezo medio manterase por décimo terceiro ano consecutivo en 11,89 /crédito, o que supón un aforro de 3,59 euros con respecto aos 15,48 /crédito de media de España, o que sitúa a Galicia como a segunda comunidade más barata tras Canarias.
As de grao acaparan o 88 % do total de matrículas do Sistema Universitario Galego, polo que, con esta conxelación de taxas, un estudante galego de grao pode aforrar, con respecto á media de España, un total de 215,40 euros ao curso en matrículas.
Matrículas de máster
No que atinxe aos másteres, de cara ao vindeiro curso mantéñense conxeladas de novo as taxas dos másteres habilitantes e non habilitantes, tamén cun prezo medio de 11.89/crédito.
No caso dos másteres habilitantes (necesarios para exercer unha profesión), Galicia ocupa o segundo lugar con prezos máis baratos tras Canarias. A taxa media de matrícula para estes estudos mantense nos 11,89/crédito (igual que os de grao e máster non habilitante), cun aforro de 3,94 con respecto ao prezo medio do Estado, que se sitúa nos 15,83 /crédito. Isto fai que as familias galegas cuxos fillos cursen o vindeiro ano un máster habilitante nalgunha das universidades públicas galegas aforren unha media de 236,40 euros por curso en comparación coa media de España. As matrículas nesta modalidade representan o 4 % do conxunto do sistema.
No caso dos másteres non habilitantes, Galicia é a comunidade máis económica, cun prezo medio de 11,89 /crédito, polo que o aforro medio para o vindeiro ano para un estudante galego será de 16,04 /crédito con respecto á media estatal (situada en 27,93 /crédito), o que sumará un aforro por alumno de 962,40 /ano. O alumnado que cursa este tipo de máster non habilitantes representa o 7,76 % do sistema.
O proxecto Xenoma Galicia, que conta cun investimento de 20 millóns de euros, ten por obxecto recompilar o ADN de 400.000 galegos para identificar os xenes relacionados co cancro de mama e ovario hereditario, a síndrome de Lynch e a hipercolesterolemia familiar. Ata o de agora, foron analizadas 3.112 mostras biolóxicas. En concreto, 1.037 mostras de sangue na primeira pilotaxe do proxecto, 796 de saliva no segundo piloto e, coa primeira fase do proxecto en marcha, 1.279 mostras dos voluntarios dos primeiros distritos participantes. A análise das mostras destes 1.279 participantes da fase 1 permitiu detectar 25 novos casos positivos. En concreto, 14 participantes deron positivo en cancro de mama e ovario hereditario, dous na síndrome de Lynch e nove en hipercolesterolemia familiar.
A Pedreira e Fillas de Cassandra estarán presentes no Womex 2026, o máis importante encontro mundial das músicas folk e de raíz que se celebra ata este domingo en Las Palmas de Gran Canaria. Trátase dunha iniciativa que ofrece aos artistas e ás empresas galegas un espazo para dar a coñecer o seu traballo ante programadores, festivais, axencias de contratación e outros profesionais de diferentes países. A artista foi escollida por un xurado internacional independente para formar parte dos Official Showcases, a selección oficial de concertos coa que Womex achega aos profesionais propostas das músicas do mundo.
