sábado, 7 de noviembre de 2026
Neste senso, matizou que é fundamental que as administracións leven a cabo un control do cumprimento da prohibición da venda a perdas, tomando medidas de control da inflación, xa que pedir que se baixen os prezos en orixe é poñer en perigo a viabilidade das explotacións agropecuarias.
Desta forma, o conselleiro sinalou que a Xunta estará vixiante a través do Servizo da Cadea Agroalimentaria e Control de Prácticas Comerciais Desleais, que asumiu as funcións da Axencia de Información e Control Alimentario en Galicia para dar cumprimento ás obrigas da Lei da cadea alimentaria.
Nesta liña, cabe poñer en valor as estratexias de dinamización impulsadas polo Goberno galego, tanto a do sector lácteo como a da carne, coas que se defende que se consolide unha relación equilibrada entre gandeiros, industria e distribución, para que o valor xerado se reparta de xeito harmónico ao longo de toda a cadea. Así, sinalou, defendemos que se garanta que ningún produtor reciba polo seu produto menos do que lle custou producilo. Nesa liña, no marco das Estratexias, o Goberno galego impulsou as ferramentas Contaláctea e Contacarne para facilitar aos gandeiros o cálculo dos seus custos de produción e o reforzamento da súa posición negociadora dos prezos coa industria.
Simplificación e flexibilidade da nova PAC
Ademais, tendo en conta que no segundo semestre do ano 2023 España vai ter a presidencia da Unión Europea, o conselleiro solicitou ao Goberno central que lidere a petición dentro de Europa de -na medida do posible- relaxar todos os requirimentos da implantación da nova Política Agraria Común (PAC). De feito, sinalou, durante toda a negociación da PAC, a Xunta xa avisara de que non se estaba traballando no aspecto burocrático deste novo período e, agora, están aparecendo as incidencias, tanto na tramitación informática das axudas como con dificultades de entendemento dos requirimentos dos decretos estatais. Ante esta situación, desde a Xunta solicitouse a ampliación do período de solicitude das axudas da PAC, unha das máis importantes para o sector primario.
Así mesmo, José González indicou que ninguén está en contra de cumprir os requirimentos medioambientais, pero si que haxa unha flexibilidade, e máis se temos en conta a situación de extraordinario incremento dos custos de produción que se produciu como consecuencia da invasión rusa de Ucraína. De feito, desde o Goberno galego reiterouse novamente a posibilidade de retrasar a entrada en vigor do caderno dixital ata o ano 2024, posto que a súa implantación suporá novos custos para as granxas que poden poñer en perigo a viabilidade económica das explotacións.
A Filmoteca de Galicia pon o foco da súa carteleira para novembro na estrea do ciclo dedicado ao guionista Rafael Azcona no centenario do seu nacemento, unha escolma do cinema do xaponés Keisuke Kinoshita e a visita de James Benning para presentar as súas dúas últimas películas. Coa proxección de El pisito, de Marco Ferreri, comeza esta mesma tarde a Consellería de Cultura, Lingua e Xuventude a conmemoración do centenario de Rafael Azcona, que ata o mes de xaneiro ofrecerá unha escolma representativa da súa dilatada carreira xunto a grandes directores do cinema español. Este mes poderá verse El jardín de las delicias, de Carlos Saura; El anacoreta, de Juan Estelrich, e El año de las luces, de Trueba.
O avance do último informe climatolóxico elaborado por MeteoGalicia indica que a Comunidade rexistrou un mes de outubro cálido e moi seco. Foi un período anómalo, xa que as altas presións foron moito máis frecuentes do que cabería agardar nesta época. De feito, só chegaron tres frontes desde o Atlántico que, ademais, tiveron pouca actividade. Neste contexto, as temperaturas estiveron por riba dos valores climatolóxicos e as precipitacións acumuladas foron moi inferiores ao que cabería agardar. Máis polo miúdo, a media das temperaturas foi superior ao habitual neste mes, sobre todo no caso das máximas, debido ao predominio de situacións anticiclónicas que achegaban aire cálido desde o sur.
