viernes, 9 de octubre de 2026
Previo ao acto de sinatura, as autoridades visitaron as instalacións do futuro Centro de fabricación de terapias avanzadas.
Tal e como sinalou o conselleiro de Sanidade, Julio García Comesaña, no acto de sinatura, este documento sementa os alicerces dunha rede de investigación que permitirá aproveitar as sinerxías entre os distintos grupos, institutos e centros de investigación de Galicia, así como a Axencia Galega de Innovación (GAIN), e a Axencia Galega de Coñecemento en Saúde (ACIS).
O titular da carteira sanitaria agarda que o centro, que ten un investimento que supera os 2,5 millóns de euros, estea funcionando xa en probas no último trimestre deste ano, para asegurar os máximos estándares de calidade. No que atinxe ao persoal, -segundo sinalou Comesaña-, examinarase no mes de maio e incorporarase no verán, para realizar a formación necesaria.
A unidade desenvolverá novas terapias avanzadas coa idea de que no futuro poidamos incorporar eses tratamentos á carteira de servizos do centro e ofrecérllelos despois aos pacientes do Servizo Galego de Saúde, -remarcou o conselleiro de Sanidade-.
Para rematar a súa intervención, o máximo responsable da sanidade pública galega dixo que a Xunta segue a avanzar para que o noso sistema sanitario sexa punteiro no eido das terapias innovadoras, situando a Galicia como referente na investigación e produción de tratamentos avanzados.
Novo decreto para a estabilización do persoal investigador
Pola súa banda, o vicepresidente económico destacou que a Unidade de Investigación en Terapias Avanzadas suma un plus á liña de traballo que vén mantendo a Xunta e é un novo paso para consolidar un ecosistema biotecnolóxico de referencia.
Conde quixo facer un recoñecemento a todos os institutos e grupos de investigación de Galicia que van achegar o seu talento a esta unidade, e lembrou que a Xunta traballa na elaboración dun decreto que fixará as mellores condicións para o desenvolvemento na Comunidade da carreira investigadora, do que se poderían beneficiar máis de 500 investigadores e técnicos de investigación dos centros dependentes da Administración galega.
Foi presentada a novena edición de Intersección, Festival Internacional de Cine da Coruña, celebrada nos Cantones Cines. O festival desenvolverase do 13 ao 17 de outubro cunha programación que combina proxeccións, exposicións, formación e encontros profesionais arredor das novas linguaxes cinematográficas. Así, as seccións competitivas Galicia, Internacional e Fulgor achegarán ao público obras afastadas dos circuítos comerciais habituais e novas voces da creación audiovisual contemporánea. En concreto, a sección Internacional reúne 27 filmes procedentes de 22 países, entre os que figuran catro estreas mundiais, 17 en España e cinco en Galicia. As propostas exploran cuestións como a tecnoloxía, a memoria, o territorio e a identidade desde linguaxes e xeografías diversas.
A Real Academia Galega de Ciencias (RAGC) celebrou en Santiago, no Salón Nobre do Colexio de Fonseca, o acto do Día da Ciencia en Galicia, no que se homenaxeou á oceanógrafa Aida Fernández Ríos (Vigo, 1947 - Moaña, 2015) como Científica Galega 2026. Ademais, entregáronse as Medallas de Investigación a cinco científicas e científicos da nosa comunidade. O presidente da Academia destacou que 'Aida Fernández Ríos foi unha investigadora capaz de identificar problemas relevantes e de situalos nun contexto internacional, converténdose nunha científica respectada moito máis alá de Galicia.
