viernes, 9 de octubre de 2026
EDIH DATAlife (Digital Innovation Hub for the deployment of Artificial Intelligence and Data Analytics in SMEs in the primary, biotechnological and health sectors) conta coa participación das universidades de Vigo e Santiago, Feuga, Anfaco, Gradiant, Cesga, varios clústeres sectoriais e a empresa Televés. Do orzamento total de 5,5 millóns de euros, 522.000 euros corresponden á Universidade de Vigo, cun financiamento europeo de 261.000.
Biorrexión de referencia en Europa
O proxecto nace coa misión de converter Galicia en biorrexión de referencia en Europa mediante a posta en contacto, coordinación e creación de sinerxías entre os axentes do ecosistema de innovación e os sectores produtivos. Trátase de axudar a mellorar a competitividade das empresas galegas introducindo tecnoloxías disruptivas como a intelixencia artificial, o big data, o internet da cousas, a computación de altas prestacións e a ciberseguridade; ademais da creación de espazos colaboradores e federados. En resumo, o consorcio busca dinamizar o ecosistema de innovación galego, facilitando o acceso a financiación, promovendo a formación en dixitalización e fomentando que as empresas proben este tipo de tecnoloxías sen custe.
Deste xeito, DATAlife converterase nunha fiestra única de acceso a servicios especializados e innovadores de carácter tecnolóxico, formativo e de desenvolvemento de negocio; tecnoloxías e infraestruturas de última xeración de uso compartido a disposición do ecosistema; e actividades de coordinación do ecosistema de innovación arredor das tecnoloxías dixitais.
Como explica Martín Llamas, director de atlanTTic e IP do proxecto na UVigo, o obxectivo é a adopción por parte das PEMEs do big data, as tecnoloxías de IA, a computación de altas prestacións e a ciberseguridade, entre outras, xa que estas tecnoloxías lles permitirán aumentar a súa competitividade nun mercado cada vez máis esixente. Para conseguir esta transformación dixital do tecido económico, universidades, centros tecnolóxicos e de competencias, clústeres sectoriais e grandes empresas traballarán xuntos para crear unha contorna xusta, verde e saudable adaptada á era da información. Unha revolución dixital de alta calidade que se centrará nas persoas, na contorna na que viven e no seu benestar. Isto lograrase aumentado a adopción da IA nas pemes e a administración pública con aplicacións sinxelas, creando espazos de datos colaborativos e federados; aliviando os traballadores mediante a colleita automática de datos con IoT, continuando na senda da competitividade co uso de HPC e asegurando os datos sensibles coas últimas aplicacións europeas en ciberseguridade.
Implicación da UVigo e de atlanTTic
Dentro deste proxecto, a UVigo forma parte do paquete de traballo Ecosystem & networks, encargándose das tarefas relacionadas coa transferencia de coñecemento e tecnoloxía. Pola súa banda, o centro de investigación atlanTTic está centrado no paquete Test Before Invest, que comprende tarefas como o desenvolvemento de tecnoloxías para a mellora da ciberseguridade; o desenvolvemento, proba, validación e demostración de tecnoloxías dixitais e a investigación, desenvolvemento e posta en marcha de tecnoloxías dixitais adaptadas as necesidades sectoriais.
Outro paquete no que participa atlanTTic é Digital Training & Skills, centrado no deseño dunha metodoloxía para a formación baseada no análise de necesidades dos sectores e tecnoloxías xa mencionadas. Ademais, tanto UVigo como atlanTTic participan xunto con todos os socios nos paquetes de coordinación e xestión e de comunicación e diseminación.
As solucións ofertadas contemplan tanto o asesoramento inicial como o ensaio, experimentación e as probas de concepto para a implantación de tecnoloxías AI, big data, IoT e HPC, así como a mellora na ciberseguridade.
Participación das empresas
Respecto á concorrencia das empresas a esta iniciativa, DATAlife actuará como xanela única para os potenciais usuarios dos servizos, recollendo as súas necesidades e avaliando o seu grao de madurez dixital co obxecto de poder identificar aqueles servizos concretos de especial valor engadido para cada demandante.
Foi presentada a novena edición de Intersección, Festival Internacional de Cine da Coruña, celebrada nos Cantones Cines. O festival desenvolverase do 13 ao 17 de outubro cunha programación que combina proxeccións, exposicións, formación e encontros profesionais arredor das novas linguaxes cinematográficas. Así, as seccións competitivas Galicia, Internacional e Fulgor achegarán ao público obras afastadas dos circuítos comerciais habituais e novas voces da creación audiovisual contemporánea. En concreto, a sección Internacional reúne 27 filmes procedentes de 22 países, entre os que figuran catro estreas mundiais, 17 en España e cinco en Galicia. As propostas exploran cuestións como a tecnoloxía, a memoria, o territorio e a identidade desde linguaxes e xeografías diversas.
A Real Academia Galega de Ciencias (RAGC) celebrou en Santiago, no Salón Nobre do Colexio de Fonseca, o acto do Día da Ciencia en Galicia, no que se homenaxeou á oceanógrafa Aida Fernández Ríos (Vigo, 1947 - Moaña, 2015) como Científica Galega 2026. Ademais, entregáronse as Medallas de Investigación a cinco científicas e científicos da nosa comunidade. O presidente da Academia destacou que 'Aida Fernández Ríos foi unha investigadora capaz de identificar problemas relevantes e de situalos nun contexto internacional, converténdose nunha científica respectada moito máis alá de Galicia.
