viernes, 22 de mayo de 2026
A Xunta de Galicia celebrará o 30 aniversario do CGAC cun amplo programa composto por medio centenar de actividades. Así o anunciou hoxe o conselleiro de Cultura, Educación, FP e Universidades, Román Rodríguez, quen destacou que se trata dunha proposta que servirá para dar proba da importancia deste museo no sector cultural.
Durante a presentación das actividades, o responsable autonómico de Cultura, acompañado do director xeral de Cultura, Anxo M. Lorenzo, e do director do CGAC, Santiago Olmo, destacou que ao longo das últimas décadas este museo tense consagrado como un dos centros artísticos de referencia en Galicia e un dos seus principais axentes culturais. Se ben ao longo dos anos cada responsable aplicou o seu propio criterio, sempre houbo un factor común: a excelencia e aposta polo talento local, nacional e internacional, salientou.
Neste senso, engadiu que nos últimos 30 anos o museo ten ofrecido programas expositivos extraordinarios con gran variedade de formatos, voces innovadoras e creadores de vangarda. Desde a súa inauguración, o CGAC converteuse nunha fiestra para ver o mundo e a arte desde Galicia adiantándose ás tendencias plásticas e culturais que se acabarían impoñendo no sector creativo sen deixar de lado as sensibilidades artísticas do momento, explicou.
No relativo á programación organizada para este ano, o conselleiro de Cultura afirmou que se trata dunha proposta diversa, transversal e multiplataforma que servirá para poñer en valor a traxectoria do centro ao tempo que se impulsan diferentes disciplinas artísticas e se prepara á institución para os retos que ten por diante. Para iso, están previstas medio centenar de actividades entre as que se inclúen exposicións, intervencións artísticas, congresos, concursos, talleres, perfomance ou publicacións.
Primeira colaboración co Museo Centro Gaiás
Así, a primeira gran cita impulsada ao abeiro deste aniversario é a exposición Un traballo en equipo: revisión histórica do CGAC, que se inaugurará en xullo comisariada por Santiago Olmo, director do museo. Trátase dunha iniciativa para repasar a historia do CGAC a través das pezas máis significativas tanto da propia colección do museo como en proxectos expositivos ao longo dos últimos 30 anos. Maruja Mallo, Luis Gordillo, Berta Cáccamo ou Nicolás Combarro son algúns dos artistas cuxas obras estarán presentes nesta iniciativa.
A mostra compleméntase con A Colección CGAC na Cidade da Cultura, exposición que se poderá ver no Museo Centro Gaiás a partir de xullo e que será a primeira colaboración entre as dúas institucións culturais. A actividade permitirá mostrar aquelas obras de grande formato que, polo seu tamaño e dimensións, resulta difícil ver xuntas ou en sucesión no propio CGAC.
29 de setembro
O 29 de setembro, coincidindo coa apertura do Centro Galego de Arte Contemporánea en 1993, o museo ten previsto un amplo abano de actividades para todos os públicos nunha xornada lúdica e festiva que inclúe concertos, danza vertical e un espectáculo de video mapping, entre outras propostas. Ademais, neste día tamén haberá espazo para a reflexión con actividades vinculadas as mostras como a celebración dun congreso ou dunha xornada formativa.
O ciclo xa ofreceu xa en marzo e abril as actuacións de Andhrea & The Black Cats na Pecera de Vigo e na Pousada da Galiza Imaxinaria, de Sabela King & The Heartbreakers e The Lakazans en La Room, de Ferrol, e continuará mañá venres 22 de maio co concerto de Berlai na sala boirense. A programación seguirá o 30 de maio con Habelas Hainas, na sala Guión de Pontedeume; o 13 de xuño con Cachas & Cousins, no Club Clavicémbalo, de Lugo; o 1 de agosto con Habelas Hainas, na Arca da Noe, de Vilar de Santos; o 11 de setembro con Sacha na Horta, no Club Clavicémbalo; o 10 de outubro con Blues do País e O Sindicato da Verbena, na Arca da Noe; o 24 de outubro con The Lakazans e o 28 de novembro con Habelas Hainas, estas dúas últimas no Pub Gatos, de Melide.
A conselleira de Medio Ambiente e Cambio Climático, Ángeles Vázquez, denunciou hoxe que o Goberno central está a comprometer a viabilidade das explotacións gandeiras coa súa postura sobre a protección do lobo. Durante unha visita que realizou esta mañá en Vilalba a unha explotación gandeira en extensivo que sufriu varios ataques de lobo, a conselleira explicou que o sector gandeiro está a sufrir as consecuencias do empeño do Ministerio para a Transición Ecolóxica e o Reto Demográfico en que o estado de conservación desta especie sexa desfavorable ao contrario do que reflicten os datos oficiais.
