viernes, 22 de mayo de 2026
O secretario xeral de Política Lingüística, Valentín García, e o presidente da Fundación Rosalía de Castro, Anxo Angueira, presentaron esta mañá a programación que a Xunta de Galicia e a propia fundación organiza co gallo do aniversario da autora de Follas Novas o 23 de febreiro.
O representante do Goberno galego valorou o feito de que cada vez máis centros educativos, institucións, colectivos e cidadáns se suman ao Día de Rosalía, unha xornada que é tamén unha celebración da nosa xente, da muller como referente, da nosa cultura, da nosa paisaxe, da nosa lingua... cuxa nobreza cantou e reivindicou Rosalía de Castro.
No acto, que tivo lugar na Casa da Matanza, sede da Fundación Rosalía de Castro, tamén participaron o deputado de Cultura, Xurxo Couto; a concelleira de Cultura de Padrón, Lorena Couso, e o cociñeiro do asador OPazo, Óscar Vidal, entre outros. Ademais, anunciouse o lanzamento dunha nova aplicación que permitirá desde hoxe visitar de forma virtual a Casa de Rosalía tendo por guía un avatar en tres dimensións de Maruxa Villanueva, a actriz galega que durante 30 anos coidou do que fora o fogar da poeta.
Lecturas, alborada e Caldo de Gloria
Como cada ano, os actos oficiais estarán repartidos entre Santiago e Padrón, lugares de nacemento e pasamento da homenaxeada, respectivamente. A celebración comezará ás 10,00 h coa lectura de poemas por parte do alumnado do Instituto Camilo José Cela diante da Estatua de Rosalía, en Padrón. De aí, os festexos trasladaranse a Santiago, onde ás 11,00h haberá alborada cos Carapaus e ofrenda floral na praza de Vigo, preto de onde naceu Rosalía hai 186 anos.
O acto central do día terá lugar ás 12,00 h no Hostal dos Reis Católicos, na Praza do Obradoiro, onde se realizará unha lectura de poemas seguida dunha actuación dos Carapaus, que tocarán acompañados de Estela Pereira e Lía Ferrer, alumnas da Escola Municipal de Música de Santiago.
Xa pola tarde, a Casa de Rosalía volverá acoller a sétima edición do Caldo de Gloria da man de Óscar Vidal, chef do asador OPazo, que ofrecerá a súa versión da famosa receita de Rosalía aos presentes. Paralelamente, tamén se tomará o Caldo de Gloria nas outras dúas lareiras do Rexurdimento: na Casa-Museo de Curros Enríquez, en Celanova, e na Fundación Eduardo Pondal de Ponteceso.
Ademais, ao Caldo de Gloria xa se sumaron máis de 200 hostaleiros e máis de 70 comedores escolares, así como concellos e empresas de toda a xeografía galega. Para iso, a Xunta, en colaboración coa Fundación Rosalía de Castro, repartiu 46.000 manteis de papel co poema que inspirou esta iniciativa, Miña casiña, meu lar, no que a poeta explica como facer un caldo humilde.
O broche final a un día de celebracións poñerao a cantante e compositora Belém Tajes cunha actuación no auditorio da Casa-Museo ás 20,00 h.
Programación nas bibliotecas e nos centros escolares
O Goberno galego tamén conmemora durante todo este mes o nacemento da súa autora máis loada a través da Rede de Bibliotecas Públicas de Galicia, dos Centros de Estudos Galegos ou dos Equipos de Dinamización da Lingua Galega dos centros escolares mediante a programación de actividades de divulgación -como faladoiros, obradoiros ou contacontos, entre outras- e materiais didácticos que poden consultarse no Portal da Lingua Galega.
O ciclo xa ofreceu xa en marzo e abril as actuacións de Andhrea & The Black Cats na Pecera de Vigo e na Pousada da Galiza Imaxinaria, de Sabela King & The Heartbreakers e The Lakazans en La Room, de Ferrol, e continuará mañá venres 22 de maio co concerto de Berlai na sala boirense. A programación seguirá o 30 de maio con Habelas Hainas, na sala Guión de Pontedeume; o 13 de xuño con Cachas & Cousins, no Club Clavicémbalo, de Lugo; o 1 de agosto con Habelas Hainas, na Arca da Noe, de Vilar de Santos; o 11 de setembro con Sacha na Horta, no Club Clavicémbalo; o 10 de outubro con Blues do País e O Sindicato da Verbena, na Arca da Noe; o 24 de outubro con The Lakazans e o 28 de novembro con Habelas Hainas, estas dúas últimas no Pub Gatos, de Melide.
A conselleira de Medio Ambiente e Cambio Climático, Ángeles Vázquez, denunciou hoxe que o Goberno central está a comprometer a viabilidade das explotacións gandeiras coa súa postura sobre a protección do lobo. Durante unha visita que realizou esta mañá en Vilalba a unha explotación gandeira en extensivo que sufriu varios ataques de lobo, a conselleira explicou que o sector gandeiro está a sufrir as consecuencias do empeño do Ministerio para a Transición Ecolóxica e o Reto Demográfico en que o estado de conservación desta especie sexa desfavorable ao contrario do que reflicten os datos oficiais.
