domingo, 11 de mayo de 2025
A Xunta de Galicia clausurou hoxe a edición do 2023 de Fitur en Madrid poñendo en valor as festividades da comunidade como a mellor mostra dos seus recursos culturais e gastronómicos.
O stand de Turismo de Galicia en Ifema, que rexistrou moi boa asistencia nos tres días que durou a Feira Internacional de Turismo, pechou esta última xornada coa exposición Un ano de festas.
Neste percorrido polas principais celebracións do mapa galego presentado pola influencer Tamara García que colaborou con Turismo de Galicia na promoción do dobre ano Xacobeo a través da iniciativa Instagrammers no Camiño, a directora de Turismo de Galicia, Nava Castro, e os delegados territoriais da Xunta, enxalzaron o seu alto atractivo para o desenvolvemento turístico de Galicia.
A dimensión das nosas festas, afirmou Castro, traspasou calquera fronteira e hoxe en día e moitas delas xa se consolidaron como motor económico e ferramenta de promoción turística de Galicia para o mundo. Neste sentido, destacou a importancia das máis de 300 festas declaradas de interese turístico na comunidade, entre as que se inclúen os entroidos, eventos históricos, gastronómicos, festivais con artistas de proxección internacional ou celebracións relixiosas.
Así, mostróuselle ao público asistente o potencial de festexos como a Romaría Vikinga de Catoira, o Apóstol de Santiago, os Entroidos de Xinzo de Limia e Verín, a Rapa das Bestas de Sabucedo, o Festival Internacional do Mundo Celta de Ortigueira ou as festas do San Froilán e o Arde Lucus de Lugo, entre outras.
Como peche do acto, a directora de Turismo de Galicia amosou a vontade da Xunta de seguir traballando conxuntamente cos municipios, colectivos e asociacións co obxectivo de potenciar as celebracións máis auténticas e xenuínas de Galicia para que formen o noso mellor escaparate turístico.
A Mostra Internacional de Teatro Cómico e Festivo de Cangas presentou hoxe a programación da súa 42ª edición, que se celebrará entre os días 22 de xuño e 6 de xullo no Auditorio Municipal Xosé Manuel Pazos Varela, así como nas rúas e noutros espazos da vila do Morrazo, que acollerán 26 espectáculos e un nutrido programa de actividades lúdicas e sectoriais. O certame, organizado desde 1984 pola Asociación Cultural Xiria, é un dos poucos festivais de teatro europeos cuxo principal selo de identidade é a comedia, unha marca consolidada e referente da produción escénica deste xénero en calquera das súas vertentes: negra, branca, xestual, contemporánea, circense, dramática, musical e, dende hai máis dunha década, tamén na danza.
A praza Conde de Fontao de Foz será o enclave elixido para a actuación extraordinaria do festival o 31 de xullo con La Carroza Del Real, mentres que o destacado pianista Denis Kozhukhin abrirá oficialmente o ciclo de concertos o 12 de agosto na Fortaleza de Alfoz. O 13 de agosto a Real Filharmonía de Galicia e o Coro da Comunidade de Madrid realizarán o primeiro concerto sinfónico-coral no que interpretarán o Réquiem de Mozart na Catedral de Mondoñedo. A clausura do XII Festival Bal y Gay será co barítono galego Borja Quiza, o 21 de agosto, no Teatro Pastor Díaz de Viveiro, cita na que tamén participarán o pianista Javier Carmena e a mezzosoprano Andrea Rey, nunha proposta que mesturará as raíces galegas e españolas.
