sábado, 8 de noviembre de 2025
Poderase participar previa inscrición na axenda web da biblioteca. Haberá tamén agasallos para os socios de honra infantís, o propio mércores ás 18,00 horas aos catro nenos que máis préstamos levaron durante o ano pasado.
En Lugo, a Biblioteca Pública ofrecerá dúas quendas de visitas guiadas, ás 12,00 horas e ás 18,00 horas previa inscrición telefónica no 982 828 327. Tamén se nomeará os usuarios de honra. Serán tres adultos e tres infantís, que recibirán un libro como agasallo. Ademais, durante toda a xornada haberá marcapáxinas de deseño variado para dar a todas as persoas que ese día leven documentos en préstamo.
A Biblioteca Pública de Ourense Nós tamén contará con dúas quendas para dar a coñecer as súas instalacións e servizos entre a cidadanía. Están programadas para o mércores ás 11,00 e ás 17,00 horas, con cita previa no teléfono 988 788 385. O nomeamento de socios de honra recaerá nos tres usuarios infantís e nos tres adultos con máis préstamos e, a partir dese día, poderán retirar en préstamo un maior número de obras e faráselles entrega dun loite de libros para seguir gozando coa lectura. Ademais, durante toda a semana haberá actividades continuadas para os máis pequenos como Martes na biblio (de 4 a 6 anos) e Bebecontos o xoves 12 para nenos de ata 3 anos
En Pontevedra, a Biblioteca Pública Antonio Odriozola tamén nomeará o mércores aos socios de honra, tres adultos e tres infantís. Ademais, o venres, ofrecerá o obradoiro Detectives de misterios na biblioteca de 17,30 a 19,00 horas. Esta actividade converterá aos nenos (de 8 a 12 anos) en detectives que investigarán para resolver un misterio e atopar unha mensaxe oculta polas diferentes zonas que a forman. Con inscrición previa na páxina web da biblioteca.
A Biblioteca Pública de Vigo Juan Compañel programa dúas quendas de visitas guiadas o día 11 de xaneiro, ás 12,00 e ás 18,00 horas, así como o nomeamento dos socios de honra aos tres usuarios infantís e tres adultos con máis préstamos. Tamén haberá unha sesión de contacontos o mércores 11 ás 18,00 horas con Trinketrinke Teatro coa peza O cole de Lonxedetodo, dirixido a nenos maiores de 4 anos. Ademais, realizarase un sorteo de dous lotes de libros entre os usuarios que empreguen a biblioteca o Día do Usuario.
Finalmente, na Cidade da Cultura, a Biblioteca de Galicia ofrecerá unha visita guiada ás 12,00 horas para dar a coñecer as súas instalacións e coleccións e amosará os espazos de acceso restrinxido onde se custodian a maior parte dos seus fondos. Poderase participar previa reserva no correo bibliotecadegalicia@xunta.gal. Ademais, ten previsto realizar agasallos de libros aos usuarios e persoas que visiten a biblioteca ese día.
Na Biblioteca Pública de Santiago Ánxel Casal organizarase o mércores a actividade Préstamo a cegas, coa que cada usuario escolle unha bolsa e descubrirá o que contén. Tamén se nomearán os socios de honra entre os tres usuarios infantís e nos tres adultos con máis préstamos durante o ano pasado. Como recoñecemento, ao longo deste 2023 poderán retirar en préstamo un maior número de obras.
O Museo das Peregrinacións e de Santiago celebrará esta fin de semana obradoiros, concertos e un espectáculo de danzas do mundo no para conmemorar o décimo aniversario da apertura, na compostelá Praza das Praterías, da súa sede expositiva, un programa diverso e aberto a todos os públicos, para recoller a mesma esencia e cerna do museo. A programación do sábado, día 8, botará a andar ás 10,30 horas coa artesá Cristina Molares, quen desenvolverá un obradoiro de demostración de vidraría artística. Pola tarde, será a quenda de concertos musicais nas propias salas do museo para os que non será necesario inscribirse. A primeira das actuacións será a de Álex Salgueiro, ao clavicordio; á que lle seguirá Eloi Pérez cun repertorio de melodías celtas interpretadas con gaita irlandesa, e que rematará Juan Collado, un dos fundadores do grupo Odaiko Percussión, cun concerto de vibráfono.
O avance do último informe climatolóxico elaborado por MeteoGalicia indica que a Comunidade rexistrou un mes de outubro seco e moi cálido. En concreto, o pasado mes caracterizouse por unha primeira parte, ata o día 18, con predominio de altas presións, que deixaron tempo seco e moi cálido. A partir do día 19, as temperaturas descenderon e as precipitacións foron aparecendo con máis frecuencia e intensidade. Con todo, as temperaturas medias do mes quedaron moi por riba do que sería de agardar en outubro e as precipitacións que se foron acumulando nos últimos días non puideron chegar aos valores propios deste mes na maior parte de Galicia.
