domingo, 13 de julio de 2025
O propósito, aseverou a conselleira, segue a ser ampliar esta rede para acadar unha cobertura do 100 %, para que ningunha muller se sinta desamparada, para que a información útil e veraz sobre a materia que nos atinxe chegue a concienciar ao 100 por cento da poboación.
Nos CIM galegos traballan na actualidade 246 persoas que nos últimos dez anos atenderon máis de 650.000 consultas, a maior parte relacionadas coa atención psicolóxica, ás que se suman outras de asesoramento xurídico, información de recursos, orientación ao emprego, ou información de cursos, xornadas e actividades, entre outras. Dese conxunto, máis de 100.000 permitiron atender vítimas da violencia de xénero.
Consciente da necesidade dos CIM, o Goberno galego leva investidos nestes centros desde o ano 2009 máis de 42,3 millóns de euros para o seu apoio e funcionamento. En 2023 destinaranse 4,1 millóns de euros para posibilitar a creación de máis infraestruturas e mellorar as xa existentes.
O ano que ven crearase unha liña de axudas para que os concellos poidan investir novos recursos na mellora das infraestruturas e equipamentos nos centros e que estará dotada con 1,4 millóns de euros, indicou a titular de Promoción do Emprego.
A Xunta de Galicia dispón os instrumentos necesarios e unha cualificación transversal e interseccional en igualdade que, tal e como explicou Lorenzana, incorpora programas específicos favorables para o intercambio de experiencias entre o persoal dos CIM.
O IV plan de formación para os CIM que se estreou o pasado 2 de novembro e remata hoxe, abrangueu temáticas de índole diversa que culminaron cos relatorios de expertas acerca dos autocoidados do persoal.
Lorenzana amosou o seu apoio á suma de coñecementos para mellorar a atención e o traballo de intervención das profesionais que traballan en contacto directo coas vítimas e as súas contornas. Como recurso clave na primeira liña de acción, indicou a Conselleira, a Xunta prima a saúde mental e as necesidades das persoas que traballan nos CIM.
O Festival Abanea celebrará entre o 16 e o 20 de xullo a súa cuarta edición cun programa de danza contemporánea de distintos estilos que distribuirá 15 funcións de nove compañías entre os concellos de Ames, Outes, Marín, Foz e Celanova. ISMO Cultura, colectivo organizador do encontro, estenderá así a súa actividade de exhibición e dinamización ás catro provincias. A bailarina Andrea Castro presentou a primeira fase do espectáculo Lola y los lamentos, como artista seleccionada para o acompañamento bienal 20252026 co que o festival apoia procesos de creación de artistas emerxentes e que nesta edición terá como resultado a estrea de 'A mona de seda'.
As diversas actividades do festival terán lugar do 28 de xullo ao 1 de agosto no claustro do Mosteiro de San Salvador de Celanova. A actuación que inaugurará a cita será a da Banda de Música de Celanova con James Morrison, un concerto único en España que terá lugar ás 20,30 horas. Ademais deste, subirán ao escenario a Boston Brass de Estados Unidos, Abraham Cupeiro coa Orquestra Gaos e pechará a edición o Hércules Brass Ensemble dirixido por Isabel Rubio e coa Boston Brass e Adam rapa como solistas. Así, os concertos complementaranse con cinco días de actividades formativas para un centenar de estudantes procedentes de distintas comunidades autónomas. Clases de alto nivel da man dalgúns dos participantes nas actuacións e un seguimento continuo e individualizado que garante un acompañamento pedagóxico para o alumnado.
