sábado, 10 de mayo de 2025
A ampliación da colaboración supón avances significativos, entre os que o conselleiro galego citou o establecemento das bases sobre as que se efectuarán as actuacións en caso de necesidade de asistencia sanitaria urxente. Así mesmo, facilítase a continuidade da asistencia no territorio que dedica o paciente, se as necesidades sanitarias da persoa usuaria asistida e o criterio médio o permiten. En consecuencia, mellórase o seguimento e a continuidade asistencial do asistido, independentemente de onde ocorra o suceso e optimízanse os recursos de ambos territorios, no caso de incidentes con múltiples vítimas, -remarcou Comesaña-.
Traballo conxunto
Na súa intervención no acto de sinatura, o máximo responsable do Servizo Galego de Saúde dixo que, hai polo menos doce anos, que Galicia e Portugal traballan conxuntamente en materia de emerxencias, una colaboración que se materializou no proxecto ARIEM 112 e posteriormente no ARIEM Plus. De feito, leváronse a cabo simulacros para ensaiar as actuacións conxuntas entre ámbolos dous territorios.
Tal e como remarcou o titular da carteira sanitaria do Executivo galego, estes traballos conxuntos foron fundamentais para a elaboración de protocolos de actuación e pactos de axuda mutua, e os datos confirman a importancia destes protocolos, posto que en materia de asistencia transfronteiriza, e no que vai de ano, recibíronse, -proseguiu o conselleiro-, 28 chamadas de teléfonos portugueses na Central de coordinación galega por problemas de saúde de cidadáns na zona transfronteiriza, a cifra máis alta dos últimos tres anos.
Segundo incidiu Comesaña, estas chamadas terán unha resolución máis efectiva coa sinatura do memorando, porque permitirá, no caso de ser necesario polo problema de saúde e conforme á dispoñibilidade dos recursos, o traslado ao país de procedencia do paciente, sempre despois dunha valoración polo persoal sanitario do 061.
Para rematar a súa intervención, o conselleiro galego dixo que esta cooperación será frutífera e servirá para optimizar os recursos destes territorios, dando lugar a unha atención máis eficiente dos nosos cidadáns.
A Mostra Internacional de Teatro Cómico e Festivo de Cangas presentou hoxe a programación da súa 42ª edición, que se celebrará entre os días 22 de xuño e 6 de xullo no Auditorio Municipal Xosé Manuel Pazos Varela, así como nas rúas e noutros espazos da vila do Morrazo, que acollerán 26 espectáculos e un nutrido programa de actividades lúdicas e sectoriais. O certame, organizado desde 1984 pola Asociación Cultural Xiria, é un dos poucos festivais de teatro europeos cuxo principal selo de identidade é a comedia, unha marca consolidada e referente da produción escénica deste xénero en calquera das súas vertentes: negra, branca, xestual, contemporánea, circense, dramática, musical e, dende hai máis dunha década, tamén na danza.
A praza Conde de Fontao de Foz será o enclave elixido para a actuación extraordinaria do festival o 31 de xullo con La Carroza Del Real, mentres que o destacado pianista Denis Kozhukhin abrirá oficialmente o ciclo de concertos o 12 de agosto na Fortaleza de Alfoz. O 13 de agosto a Real Filharmonía de Galicia e o Coro da Comunidade de Madrid realizarán o primeiro concerto sinfónico-coral no que interpretarán o Réquiem de Mozart na Catedral de Mondoñedo. A clausura do XII Festival Bal y Gay será co barítono galego Borja Quiza, o 21 de agosto, no Teatro Pastor Díaz de Viveiro, cita na que tamén participarán o pianista Javier Carmena e a mezzosoprano Andrea Rey, nunha proposta que mesturará as raíces galegas e españolas.
