viernes, 25 de septiembre de 2026
Así, subliñou que son precisas medidas de alcance estatal para resolver un problema que excede as competencias das comunidades autónomas. Non queremos escapar das nosas competencias, senón que reclamamos medidas para poder exercelas, aseverou o conselleiro.
O conselleiro apelou á cogobernanza e incidiu en que o Goberno central non pode seguir dando as costas a un problema que afecta a toda España, e sobre o que xa ten un mandato do Congreso dos Deputados.
Manifesto de medidas urxentes e incumprimento de acordos
García Comesaña lembrou o apoio que está a recibir o manifesto impulsado hai unhas semanas, polo goberno de Galicia e o País Vasco, no que se insta ao Ministerio de Sanidade a desbloquear todas as medidas que resulten precisas para atallar o problema de déficit de especialistas no sistema sanitario público nacional.
Sobre este documento, que conta co respaldo doutros cinco gobernos autonómicos (Cataluña, Andalucía, Murcia e Castela-León e Madrid), o conselleiro citou as seis propostas fundamentais que se precisan para reverter a situación.
En concreto, apuntou a necesidade de artellar un sistema de elección de prazas MIR que garanta que non queden prazas sen cubrir; de crear a especialidade de Medicina de Urxencias e Emerxencias; e de abordar a reforma do sistema de formación especializada en Medicina Familiar e Comunitaria para poder acreditar unidades docentes dun xeito máis flexible e áxil.
Así mesmo, tamén reiterou que é preciso implementar unha convocatoria extraordinaria de prazas MIR para a especialidade de Medicina Familiar e Comunitaria; crear un Rexistro Estatal de Profesionais Sanitarios; e fomentar, a través dun Plan de Acción Estatal, medidas que faciliten o desenvolvemento dos facultativos de Primaria como eixo vertebrador deste nivel asistencial.
O máximo responsable da Sanidade galega, cualificou como decepcionante a resposta trasladada, polo de agora, polo Goberno central. Así, considera que as solucións achegadas polo Ministra de Sanidade son solucións a longo prazo, e non son suficientes para resolver de forma inmediata a problemática que afecta á atención primaria en toda España. Ademais, tamén lamentou que, hai un conxunto de medidas que foron acordadas por todas as comunidades autónomas, en abril do 2018, e que aínda están pendentes de ser implantadas por parte do Goberno Central.
Con todo, a Xunta agarda que no transcurso da vindeira Comisión de Recursos Humanos do Consello Interterritorial, que se celebrará o 26 de xullo, o Goberno central aborde en profundidade a situación da Atención Primaria e adopte medidas de calado que posibiliten desatascar a situación.
Acordos e medidas dentro das competencias autonómicas
Na compaña dos xerentes das áreas sanitarias de Santiago e Lugo, Eloína Núñez, e Ramón Ares; García Comesaña enumerou o paquete de medidas que xa artellou a Xunta de Galicia, no eido das súas competencias, ante a falta de avances por parte do Goberno de España.
Neste liña, remarcou que a Xunta lanzou unha convocatoria de 106 prazas de facultativos de atención primaria mediante concurso de méritos, co que se converteu na primeira comunidade en escoller este sistema de selección para paliar o déficit de profesionais médicos do sistema sanitario público. Polo de agora, abundou o conselleiro, Sanidade xa recibiu 350 solicitudes para esta convocatoria. Ademais, anunciou que este sistema, voltará a ser empregado de novo para afrontar a cobertura de especialistas nos hospitais comarcais.
Por outra banda, o Executivo galego tamén adoptou outras medidas co ánimo de optimizar o funcionamento da atención primaria en Galicia. Entre elas: a implantación de axendas de calidade para o persoal médico e de enfermería; a posta en marcha do Sistema de Xestión Integral da Denada (XIDE); a elaboración de Plan Locais de Saúde; ou a potenciación dos papeis do persoal médico, de farmacia e enfermaría.
Por último, salientou o acordo unánime acadado coas organizacións sindicais, na Mesa Sectorial celebrada o pasado 29 de xuño, e na que se incluíron até 10 medidas de mellora e recoñecemento para os profesionais sanitarios. Entre estas, destaca a nova posibilidade de acumulación de cartillas dunha praza vacante de médico, o que posibilitará unha maior continuidade na atención a pacientes. Así, permitirase a acumulación dun máximo de 300 cartillas, cunha prestación adicional de xornada de 4 horas e media á semana, e unha retribución anual de 12.000 euros ano ou parte proporcional.
O calendario de Programación Kármica arranca este 25 de setembro con Taïn na Sala Guión de Pontedeume. A seguinte cita será o 16 de outubro, con Camellos e Cora Yako en La Conservera de Viveiro, mentres que o 24 de outubro actuarán Javier Lago e Santi Araújo na Pousada da Galiza Imaxinaria de Boiro. O ciclo chegará precisamente á sala que acolle hoxe a súa presentación, A Cofradía de Vilanova de Arousa, o 27 de novembro, coas actuacións de Montedapena e Nuntia. O programa de 2026 pecharase o 26 de decembro na Pousada da Galiza Imaxinaria con Portosanto e Hermanos Visi.
O Instituto Nacional de Estatística (INE) publicou este martes os datos da enquisa de ocupación hoteleira na comunidade galega, que revelan que os hoteis e pensións galegas ingresaron nos oito primeiros meses do ano 334,7 millóns de euros, que revelan un incremento do 6,6% con respecto ao mesmo período do pasado ano. A rendibilidade hoteleira medra nos oito primeiros meses do ano o 7,5%. Só no mes de agosto, o sector tivo uns ingresos de 92,4 millóns de euros que se traducen nunha suba do 8,8% con respecto ao mesmo mes do ano pasado. Por primeira vez supérase a barreira dos 90 millóns de euros de ingresos no mes de agosto rexistrando un máximo histórico.
