sábado, 12 de julio de 2025
A representante da Xunta apelou á necesidade de adoptar decisións de xeito ben meditado e contando con datos detallados para evitar situacións como a xerada tamén pola obriga de desembarque. Nese caso, indicou, adoptouse esta medida como se a devolución do peixe ao mar fose unha decisión deliberada dos pescadores cando se debía á imposibilidade de capturalo pola escaseza de posibilidades de pesca.
Os representantes do sector do mar trasladáronlle o alto grao de compromiso e responsabilidade da frota galega no cumprimento das normas para desenvolver unha pesca sustentable que garanta o seu futuro. Neste sentido, a titular de Mar salientou a importancia de que o sector, os científicos e as administracións traballen unidos coa finalidade de manter viva unha actividade que produce alimentos de calidade e é fundamental para Galicia pois incide na maioría das ramas económicas da comunidade.
Por iso, a representante do Executivo galego agradeceu á directora xeral de Asuntos Marítimos e Pesca da Comisión Europea a súa disposición a escoitar os problemas do sector directamente da voz dos seus protagonistas. Ao mesmo tempo, expuxo o seu desexo de que ese intercambio de opinións lle permitise facerse unha idea máis real do que é o complexo mar-industria galego e así as medidas que se adopten a partir de agora desde Bruxelas sexan máis acordes á súa realidade, facilitando o desenvolvemento da actividade.
Neste sentido, a conselleira subliñou que se tratou dunha reunión -na que tamén estivo a secretaria xeral de Pesca do Ministerio de Agricultura, Pesca e Alimentación, Alicia Villauriz- moi frutífera para coñecer os problemas e necesidades dun sector que aposta polo seu futuro e que emprega directamente a máis de 20.000 persoas, unha cifra que se multiplica por máis de catro engadindo os postos de traballo indirectos.
O Festival Abanea celebrará entre o 16 e o 20 de xullo a súa cuarta edición cun programa de danza contemporánea de distintos estilos que distribuirá 15 funcións de nove compañías entre os concellos de Ames, Outes, Marín, Foz e Celanova. ISMO Cultura, colectivo organizador do encontro, estenderá así a súa actividade de exhibición e dinamización ás catro provincias. A bailarina Andrea Castro presentou a primeira fase do espectáculo Lola y los lamentos, como artista seleccionada para o acompañamento bienal 20252026 co que o festival apoia procesos de creación de artistas emerxentes e que nesta edición terá como resultado a estrea de 'A mona de seda'.
As diversas actividades do festival terán lugar do 28 de xullo ao 1 de agosto no claustro do Mosteiro de San Salvador de Celanova. A actuación que inaugurará a cita será a da Banda de Música de Celanova con James Morrison, un concerto único en España que terá lugar ás 20,30 horas. Ademais deste, subirán ao escenario a Boston Brass de Estados Unidos, Abraham Cupeiro coa Orquestra Gaos e pechará a edición o Hércules Brass Ensemble dirixido por Isabel Rubio e coa Boston Brass e Adam rapa como solistas. Así, os concertos complementaranse con cinco días de actividades formativas para un centenar de estudantes procedentes de distintas comunidades autónomas. Clases de alto nivel da man dalgúns dos participantes nas actuacións e un seguimento continuo e individualizado que garante un acompañamento pedagóxico para o alumnado.
