viernes, 7 de agosto de 2026
A titular de Mar lembrou que esa é tamén unha das demandas que esta semana asinou a Xunta xunto a máis de 30 entidades relacionadas co sector do mar no Manifesto en defensa da pesca, o marisqueo, a acuicultura e a cadea mar-industria europeas ante a evidencia de que a política medioambiental está a impoñerse á pesqueira. Neste sentido, lembrou os plans de Bruxelas para prohibir a pesca de fondo en preto dun cento de zonas de augas comunitarias, o que pon en risco a actividade da frota de Gran Sol e de litoral e ameaza centos de postos de traballo en Galicia.
A representante do Executivo galego apostou por unha política rigorosa, baseada en estudos de impacto detallados, e pediu fuxir de medidas drásticas e en base a datos que semellan parciais e desactualizados como é a proposta de prohibir a pesca de fondo.
Rosa Quintana lembrou que Galicia defende a necesidade de que se realice unha revisión da Política Pesqueira Común -tal como recolle o ditame elaborado e aprobado polo Consello Galego de Pesca- para convertela nunha solución europea e europeísta que reforce á Unión Europea como garante dun sector pesqueiro europeo que sexa modelo de xestión e no que se poida traballar en igualdade de condicións a nivel internacional.
Neste sentido, subliñou que a comunidade inclúe entre os seus eixos estratéxicos a demanda dunha PPC máis social e de futuro, que estableza un mercado común no que o comercio pesqueiro sexa máis xusto, que permita unha actividade máis sustentable e compatible coa conservación da biodiversidade, que se adapte ao cambio climático e na que a cogobernanza global sexa a base para a sustentabilidade da actividade.
A titular de Mar agradeceu á Cooperativa de Armadores de Vigo (ARVI) a organización desta IX Conferencia internacional e puxo en valor o seu labor como centro de debate sobre os retos máis importantes do sector marítimo pesqueiro, tanto presentes como futuros. Para superalos, incidiu, é vital que tanto a PPC como o Fondo Europeo Marítimo, de Pesca e Acuicultura (Fempa) -os dous asuntos principais do encontro- estean adaptados á realidade do sector e favorezan o seu desenvolvemento.
O evento
A Conferencia internacional ARVI sobre o futuro da pesca cumpre este ano a súa novena edición como un dos encontros máis importantes para reunir a autoridades, científicos e profesionais do sector e avaliar os asuntos de actualidade do sector marítimo-pesqueiro. Na primeira xornada, celebrada onte, abordouse a necesidade da renovación da PPC -na que participou o director xeral de Pesca, Acuicultura e Innovación Tecnolóxica, Antonio Basanta- e na de hoxe as características do Fempa, coa intervención da secretaria xeral técnica da Consellería do Mar, Silvia Cortiñas, que incidiu na necesidade de simplificar a tramitación dos fondos europeos para elevar os niveis de execución.
A Consellería do Mar apoia á Cooperativa de Armadores de Vigo na organización deste evento por medio dun convenio de colaboración asinado este ano por importe de máis de 135.000 euros. Este orzamento pretende axudar a cubrir tanto parte dos gastos derivados da celebración da IX Conferencia Internacional como do IV Festival ARVI do peixe Vigo Seafest 2022, que comeza mañá. Desde a primeira edición destas dúas iniciativas, a Xunta destinou ao seu desenvolvemento máis de 700.000 euros.
A loita contra os incendios forestais suma un novo aliado tecnolóxico ao servizo de toda a sociedade. A aplicación móbil ALume, deseñada para facilitar que calquera persoa poida dar a alarma sobre un foco de lume de forma inmediata e precisa, xa se atopa plenamente operativa e dispoñible para a súa descarga de balde nas plataformas Android e iOS. O obxectivo principal desta ferramenta é potenciar a detección temperá dos incendios forestais. Nunha emerxencia no monte, os primeiros minutos son decisivos para evitar que un foco inicial se converta nun gran incendio; por iso, ALume nace para acurtar os tempos de aviso e facilitar ao servizo de extinción datos exactos antes de despregar os medios sobre o terreo. Cabe sinalar que a aplicación leva xa 7.000 descargas e 200 notificacións que axudaron ao operativo.
Un dos grandes atractivos desta undécima edición será a estrea de dez novos espectáculos, todos eles impulsados por compañías galegas, un dato que evidencia o dinamismo creativo do sector dos monicreques na Comunidade. A programación abrirase coa nova versión de A festa dos títeres, presentada por Viravolta, Vai de Roda e Títeres Alakrán, para continuar coa estrea de Treco-lerias, de Trécola Producións, e A rosa de papel, adaptación ao teatro de monicreques do texto de Valle-Inclán realizada por Alakrán.
