sábado, 12 de julio de 2025
Pola súa parte, en Sanxenxo prevese que a ocupación se mova na contorna do 75% en xullo, mes moi dependente da climatoloxía e no que priman as reservas de última hora, mentres que en agosto as previsións elévanse ao 85-90%.
Os hoteis da cidade da Coruña estiman que as ocupacións se sitúen entre o 85 e o 90% este verán e nos establecementos de maior categoría estase a reincorporar o visitante internacional. En Santiago de Compostela, agárdanse ocupacións entre o 70 e o 75%, cun pico na ponte das Festas do Apóstolo. Pola súa parte, a previsión xeral para a Costa da Morte sitúase entre o 80 e o 90%, achegándose á plena ocupación na primeira quincena de agosto. Estase a rexistrar un notable incremento no número de peregrinos e peregrinas.
Os aloxamentos de Ferrol amósanse optimistas para este verán. Espérase unha boa ocupación en xullo e agosto, especialmente entre o 24 de xullo e o 16 de agosto. Obsérvase un notable incremento das persoas que transitan polo Camiño Inglés. Na provincia de Lugo impera o optimismo, especialmente para a segunda quincena de xullo e a primeira de agosto. As ocupacións esperadas cífranse entre o 75 e o 90%, porcentaxes que se elevan en localidades do Camiño Francés como Palas de Rei ou Sarria.
A ralentización no ritmo das reservas e a situación económica fan que o sector turístico da Ribeira Sacra sexa cauto á hora de facer previsións, estimando unha ocupación do 60% en xullo, se ben esta se eleva por riba do 70% nas fins de semana.
Por último, o feito de que a alta velocidade sexa por fin unha realidade impulsa o turismo en Ourense, de forma que se espera unha ocupación media do 80%. En todo caso, se ben o AVE acerca aos turistas á cidade das Burgas, tamén permite incrementar o número de excursionistas, persoas que se achegan a pasar exclusivamente unha xornada, sen facer noite.
Ocupación primeiros meses do ano
Nos primeiros cinco meses deste ano Galicia rexistrou preto de 1,7 millóns de viaxeiros aloxados e máis de 2,9 millóns de noites no conxunto dos establecementos de aloxamento como hoteis, pensións, apartamentos turísticos, cámpings, turismo rural e albergues. Así, Galicia superou por vez primeira na serie histórica a barreira de 2,9 millóns de noites no mes de maio.
No que se refire á entrega de Compostelas, dende o mes de febreiro estanse batendo récords de chegada de peregrinos e hoxe mesmo xa son preto de 159.000.
O Festival Abanea celebrará entre o 16 e o 20 de xullo a súa cuarta edición cun programa de danza contemporánea de distintos estilos que distribuirá 15 funcións de nove compañías entre os concellos de Ames, Outes, Marín, Foz e Celanova. ISMO Cultura, colectivo organizador do encontro, estenderá así a súa actividade de exhibición e dinamización ás catro provincias. A bailarina Andrea Castro presentou a primeira fase do espectáculo Lola y los lamentos, como artista seleccionada para o acompañamento bienal 20252026 co que o festival apoia procesos de creación de artistas emerxentes e que nesta edición terá como resultado a estrea de 'A mona de seda'.
As diversas actividades do festival terán lugar do 28 de xullo ao 1 de agosto no claustro do Mosteiro de San Salvador de Celanova. A actuación que inaugurará a cita será a da Banda de Música de Celanova con James Morrison, un concerto único en España que terá lugar ás 20,30 horas. Ademais deste, subirán ao escenario a Boston Brass de Estados Unidos, Abraham Cupeiro coa Orquestra Gaos e pechará a edición o Hércules Brass Ensemble dirixido por Isabel Rubio e coa Boston Brass e Adam rapa como solistas. Así, os concertos complementaranse con cinco días de actividades formativas para un centenar de estudantes procedentes de distintas comunidades autónomas. Clases de alto nivel da man dalgúns dos participantes nas actuacións e un seguimento continuo e individualizado que garante un acompañamento pedagóxico para o alumnado.
