lunes, 28 de septiembre de 2026
Os artesáns que aparecen nesta guía están recomendados pola Fundación Michelangelo para a Creatividade e a Artesanía e por membros da súa rede internacional ou embaixadores designados, persoas ou institucións de referencia vinculadas aos ámbitos da artesanía, da creatividade e do deseño, como é o caso do interiorista Tomás Alía ou de Fundesarte, en España.
Ata o momento, os obradoiros de Artesanía de Galicia que forman parte desta guía online de recomendacións de artesanía europea son a cesteira Idoia Cuesta (Outeiro de Rei), recoñecida co Premio Artesanía de Galicia 2021, co Premio de Artesanía Contemporánea 2021 da Asociación SacCo e co Premio Produto nos Premios Nacionais de Artesanía 2014; o ebanista Frank Buschmann (Corcubión), Premio Artesanía de Galicia 2019 e Premio Antón Fraguas da Deputación da Coruña, na categoría de artesanía tradicional; a zoqueira Elena Ferro (Vila de Cruces), do obradoiro Eferro, Premio Nacional de Artesanía 2019 e Premio de Artesanía Antón Fraguas 2010, na categoría de Artesanía contemporánea; a ceramista Ana Tenorio, do obradoiro Witchneeds (Vigo), Premio Artesanía de Galicia 2018; o Obradoiro de Gaitas Seivane (Cambre), galardoado co Premio Traxectoria 2021 nos Premios Artesanía de Galicia, co Premio Nacional de Artesanía 2013 e coa Medalla Castelao 2014; a ceramista Paula Ojea de Ojea Studio (Vigo), Premio Produto nos Premios Nacionais de Artesanía 2019 e Premio Bolsa Eloy Gesto nos Premios Artesanía de Galicia 2017; a artesá Mercedes Vicente (Brión) especializada en esculturas téxtiles, finalista do Loewe Craft Prize 2018; a ceramista Loaira Pérez, do obradoiro Raposiñas (A Pobra do Caramiñal), Premio Bolsa Eloy Gesto 2020 nos Premios Artesanía de Galicia; o obradoiro de coiro Santiago Besteiro (Monterroso), finalista dos Premios Artesanía de Galicia 2020 e 2021; a tecedeira Inés Rodríguez, do obradoiro Rir&Co Deseño Textil (Allariz), gañadora do I Certame de Materiais Innovadores de Galicia, na categoría Artesanal, e do 2º Premio de Excelencia á Innovación para Mulleres Rurais do Ministerio de Agricultura, Pesca e Alimentación; o obradoiro especializado en iluminación Lago:Monroy (Nigrán); o obradoiro de tecido en baixo lizo Belategui Regueiro (Cambre); o ceramista Nano Unzueta, do taller Cerámica Unzueta (Brión), o obradoiro Lorenzo Design (Santiago de Compostela), de obxectos de madeira enfocado á gastronomía; a ceramista Laura Delgado (Cambre); e Sonia Degerónimo, do obradoiro Degerónimo (Santiago de Compostela), especializado na creación de obxectos con corda de algodón.
Exposición en Venecia
A Fundación Michelangelo organiza tamén a segunda edición do evento Homo Faber, unha exposición internacional que promove o talento artesanal e que está aberto ao público ata o 1 de maio en Venecia. Baixo o título Tesouros vivos de Europa e Xapón amósanse 15 exposicións de artesanía que permiten descubrir a conexión entre Europa a Xapón.
O obradoiro de coiro de Santiago Besteiro é un dos participantes nunha desas mostras, Next of Europe, a través de Domus, unha peza decorativa elaborada en coiro e granito coa que xa resultou finalista do Premio Europeo de Artesanía 2021.
O evento complétase cunha ampla variedade de materiais, técnicas e habilidades a través de demostracións en vivo, experiencias dixitais e visitas a talleres artesanais.
A Xunta iniciou hoxe nas residencias de maiores a campaña de vacinación fronte á gripe, que incorpora a vacina reforzada desde os 65 anos e busca chegar a 926.000 persoas de máis de 60 anos. En Galicia hai 926.000 persoas de 60 ou máis anos como poboación diana para a vacinación fronte á gripe, e ao redor de 549.000 maiores de 70 anos, que é a poboación diana para a que está indicada a inmunización fronte á covid. A campaña prolongarase ata o 31 de decembro, desenvolvéndose de xeito progresivo nos distintos colectivos e grupos de idade. Así, logo do arranque de hoxe nas residencias de maiores e centros de discapacidade, o vindeiro día 13 de outubro incorporarase a vacinación infantil nos centros de saúde e nos 75 colexios.
O informe de balance do programa de axudas para a Atracción de Empresas a Galicia, unha liña xestionada pola Consellería de Economía e Industria a través do Igape que se consolida como un piar estable dentro da estratexia económica do Goberno galego, reflicte que entre os anos 2024 e 2026, este programa permitiu a concesión de 74,08 millóns de euros en subvencións públicas, unha contía que impulsou a posta en marcha de 96 proxectos empresariais e que xerará un impacto económico total de 256,75 millóns de euros en mobilización de investimento privado.
