miércoles, 30 de septiembre de 2026
Segundo traslada o Clúster Turismo de Galicia, o ritmo de reservas foi bo nestas semanas, sendo maioritario o viaxeiro de procedencia nacional e de proximidade a Galicia. Espérase que entre o xoves e o domingo, os días centrais da Semana Santa se acaden as mellores cifras. Por sectores, o hoteleiro, especialmente os que ofrecen servizos complementarios vencellados co turismo termal, e o turismo rural, agardan boas cifras de ocupación, especialmente os situados na Ribeira Sacra ou na Mariña lucense.
Ourense e Ribeira Sacra, coas mellores perspectivas
Por provincias, na de Pontevedra destaca as previsións de Sanxenxo e Vigo, que agardan superar o 70% de ocupación nos días festivos, sempre que o tempo non sexa especialmente adverso. Na provincia da Coruña destaca Santiago de Compostela e a cidade da Coruña, que agardan tamén marcar cifras similares de ocupación. No caso da Costa da Morte, as reservas están arredor do 60%.
Na provincia de Lugo, a cidade de Lugo e a zona de Terra Cha agarda boas cifras de ocupación arredor do 65% nos días festivos pero é a Ribeira Sacra na que se espera superar estas cifras, por riba do 80%, incluso con porcentaxes superiores os establecementos de turismo rural e nos hoteis de 3 e 4 estrelas. Finalmente, Ourense agarda unha excelente ocupación, arredor do 80%, propiciada polo tren de alta velocidade que, de feito, ten esgotados a maioría dos seus billetes para viaxar entre Madrid e Galicia nos días fortes da Semana Santa.
O vicepresidente primeiro, Alfonso Rueda, destacou as boas perspectivas que entende como un magnífico sinal para a temporada turística galega, animada polo Xacobeo e polo feito de que xa se empezan a consumir as tarxetas do bono turístico. A reactivación do Camiño xa é unha realidade cuns 1.000 peregrinos diarios, e todo parece indicar que se poden acadar cifras prepandemia ou incluso mellores, cifras case históricas.
A Xunta iniciou hoxe nas residencias de maiores a campaña de vacinación fronte á gripe, que incorpora a vacina reforzada desde os 65 anos e busca chegar a 926.000 persoas de máis de 60 anos. En Galicia hai 926.000 persoas de 60 ou máis anos como poboación diana para a vacinación fronte á gripe, e ao redor de 549.000 maiores de 70 anos, que é a poboación diana para a que está indicada a inmunización fronte á covid. A campaña prolongarase ata o 31 de decembro, desenvolvéndose de xeito progresivo nos distintos colectivos e grupos de idade. Así, logo do arranque de hoxe nas residencias de maiores e centros de discapacidade, o vindeiro día 13 de outubro incorporarase a vacinación infantil nos centros de saúde e nos 75 colexios.
O informe de balance do programa de axudas para a Atracción de Empresas a Galicia, unha liña xestionada pola Consellería de Economía e Industria a través do Igape que se consolida como un piar estable dentro da estratexia económica do Goberno galego, reflicte que entre os anos 2024 e 2026, este programa permitiu a concesión de 74,08 millóns de euros en subvencións públicas, unha contía que impulsou a posta en marcha de 96 proxectos empresariais e que xerará un impacto económico total de 256,75 millóns de euros en mobilización de investimento privado.
