jueves, 1 de octubre de 2026
Neste sentido, apuntou que o IMV non conseguiu ter o impacto agardado polas inseguridades e incertezas xeradas sobre o seu funcionamento. Por este mesmo motivo, afirmou, a Risga mantén a día de hoxe o 65% dos usuarios que tiña en xuño do ano 2020, cando se puxo en marcha o IMV.
A conselleira asegurou que o paso decisivo para conseguir esta transferencia foi a reunión que o presidente Feijóo mantivo co ministro de Inclusión, Seguridad Social y Migraciones en Santiago no mes de xaneiro. Con todo, destacou que, ao tratarse da primeira comunidade fóra do sistema foral en lograr este paso, é preciso abrir camiño e resolver todas as dúbidas xurídicas e administrativas para facer posible esta transferencia.
Lei de Inclusión Social
Así mesmo, subliñou que o Goberno galego traballa na creación dunha nova Lei de Inclusión Social de Galicia que xa contemple esta xestión e permita adaptar a Risga a esta nova realidade, reducir a burocracia para que haxa unha ventanilla única de xestión e reordenar o mapa de prestación de xeito que non se solapen e non existan varias prestacións coa mesma finalidade.
A conselleira sinalou que o Goberno galego está a cumprir os prazos na creación desta normativa. Neste sentido, apuntou que a Xunta iniciou a súa tramitación no ano 2021 e nestes momentos atópase en diálogo coas entidades sociais para lograr a súa aprobación antes de que remate este ano 2022.
Así mesmo, puxo en valor que o Goberno galego xa está a poñer medidas enriba da mesa para dar resposta á actual situación de elevada inflación, dificultades na subministración e suba importante do prezo da enerxía. Como exemplo, citou o lanzamento do Bono Social Térmico por parte do Goberno galego ao que se engade un complemento de 100 euros adicionais que permitan aos fogares máis vulnerables chegar a fin de mes.
A sexta edición de 6coreógrafas acollerá dúas estreas: Trés bien, de Marta Alonso Tejada, un dúo de danza contemporánea de rúa interpretado por María de Vicente e Inés Santos que explora o esforzo de sosterse e permanecer xuntas, e BenQuererme, un solo de de Fran Sieira, que combina danza tradicional e contemporánea para reflexionar sobre o autocoidado emocional e o amor propio. A programación completarase con Suit(e), de Furia Sotelo, un diálogo entre a danza de Nuria Sotelo e o violonchelo de Millán Abeledo, e Bipedestrucción, da compañía navarro-galega Disiden.cia, unha peza de rúa para todos os públicos que aborda desde o humor a identidade, a diversidade e a importancia da comunidade.
O presidente da Xunta, Alfonso Rueda, informou de que o Goberno autonómico vén de autorizar na reunión desta mañá o envío ao Consello Consultivo de Galicia do decreto polo que se crea o Rexistro de autorizacións e concesións no dominio público marítimo-terrestre (DPMT). 'Isto vai situar Galicia á vangarda en transparencia e xestión do litoral', indicou. 'Imos habilitar un sistema para que a cidadanía poida coñecer en todo momento os usos e autorizacións vixentes na costa galega', salientou o presidente sobre un Rexistro, concibido para incorporar progresivamente as autorizacións e concesións no DPMT e que permitirá sistematizar e ampliar a información dispoñible sobre as actividades autorizadas, o que resulta fundamental para avanzar na planificación, protección e xestión integrada da costa galega así como reforzar a seguridade xurídica das actividades e proxectos.
