lunes, 22 de diciembre de 2025
Esta diferenza explícase, principalmente, polo aumento da cifra de descendentes dos cidadás galegos que viven no estranxeiro e que xa naceron no país de residencia. Así, mentres que hoxe residen 5.182 galegos máis ca o ano pasado fóra das nosas fronteiras, o número de emigrantes nacidas e nacidos na comunidade que viven no exterior é de 1.445 menos, e sitúase actualmente en 146.423 persoas.
Os datos aportados polo PERE demostran que os descendentes de galegos aumentan o seu número mentres descende o número de emigrantes. Así, en Arxentina, aumentou o número de galegos residentes pasando dos 181.416 de 2021 aos 182.633 mentres baixou o de galegos nados na comunidade autónoma de 42.959 a 42.884. O mesmo sucede en Brasil, onde aumentou o número de galegos residentes de 49.593 a 49.970 pero baixou o de emigrantes de 11.059 a 10.980, e tamén en Europa: Suíza aumentou de 41.169 a 41.285 o número de residentes con padrón galego e baixou o número de galegos autóctonos de 18.951 a 18.633, e na Alemaña volve a acontecer o mesmo, aumentando de 17.600 a 17.717 os residentes e pasando de 8.020 a 7.963 os nados en Galicia.
Nova realidade migratoria
Esta realidade demográfica constitúe unha oportunidade para Galicia, que conta cun importante aliado fóra das nosas fronteiras para superar o reto demográfico que está a atravesar, non só a comunidade, senón toda España. Estas cifras reflicten, ademais, unha consolidación da tendencia migratoria iniciada nos últimos anos, que pon de manifesto o labor fundamental que está a levar a cabo o Goberno galego a través da Estratexia Galicia Retorna.
O programa Radio na Biblio, que vai polo noveno ano en funcionamento, chega este curso a 245 centros de ensino que contan cun laboratorio de radio no que traballan as competencias vencelladas á alfabetización mediática, lingüísticas ou de expresión escrita e oral, entre outros. Con nove cursos en marcha, trátase dun programa consolidado que aproveita a posta en marcha dunha emisora de radio na biblioteca para traballar habilidades e destrezas e que permite o tratamento de contidos curriculares mediante metodoloxías activas e innovadoras que facilitan a aprendizaxe. Ademais, as actuais tecnoloxías da información e da comunicación facilitan o uso da radio como ferramenta pedagóxica de gran alcance para a difusión dos proxectos e iniciativas do centro educativo.
Tivo lugar a na cerimonia de entrega dos XVIII Premios Nacionais de Artesanía 2025, na que resultaron premiadas dúas candidaturas galegas. O artesán Aitor Martínez López de Arbina (Tomiño), especializado en tornería de madeira, resultou gañador na categoría Produto e a Fundación Artesanía de Galicia obtivo o recoñecemento na categoría Promociona para Entidades Públicas polo seu proxecto 'Artesanía no Prato'.
