sábado, 12 de julio de 2025
A conselleira do Mar, Rosa Quintana, puxo en valor hoxe o potencial e o peso da cadea mar-industria na economía de Galicia e defendeu a necesidade de que se adopten medidas específicas para os sectores máis afectados polo encarecemento dos carburantes, entre eles a pesca. Así o sinalou durante a visita ás novas instalacións do Grupo Eurored, dedicado á fabricación de artes de pesca e servizos integrais para a acuicultura e o sector náutico.
Esta foi unha das demandas de Galicia expostas na Conferencia de Presidentes celebrada a pasada fin de semana e na que a comunidade galega tamén solicitou baixar os impostos que gravan os carburantes, a electricidade e o gas dentro dos parámetros que permite a Unión Europea para aliviar a situación da industria, da frota e da cidadanía. Este contexto, engadiu Rosa Quintana, reflicte que os plans da Organización Mundial de Comercio e de Bruxelas para eliminar o gasóleo bonificado poñen en risco o futuro do sector.
Nesta liña, a titular de Mar sinalou que Galicia seguirá defendendo ao sector pesqueiro que foi declarado esencial durante a alerta sanitaria pola covid-19 e que seguiu faenando en todo momento malia as dificultades derivadas da pandemia. Unha actividade, subliñou, que é fundamental para a economía galega grazas ao aporte de entidades como o Grupo Eurored, que constitúe o primeiro Centro Integral de Produción e Tecnoloxía Pesqueira máis moderno de España e a nivel europeo e que coa súa actividade busca fomentar a sustentabilidade na industria.
Durante a visita a conselleira estivo acompañada pola delegada territorial da Xunta en Vigo, Marta Fernández-Tapias, e ambas puideron comprobar a actividade do centro de produción no que se elaboran aparellos de pesca e elementos de fondeo para instalacións de cultivos mariños. Estes útiles son deseñados a medida polo equipo técnico mediante a aplicación das últimas innovacións en tecnoloxía pesqueira e acuícola.
Neste eido, a conselleira do Mar puxo en valor a aposta deste grupo pola innovación pois conta cun departamento propio de I+D+i co que busca dar resposta ás necesidades tecnolóxicas do ámbito marítimo-pesqueiro. Ademais destacou a ampla traxectoria do Grupo Eurored, que conta con máis de 45 anos de experiencia no sector, opera en varios caladoiros do mundo a través da elaboración de distintas artes de pesca e tamén desenvolve e diseña instalacións acuícolas a nivel internacional.
O Festival Abanea celebrará entre o 16 e o 20 de xullo a súa cuarta edición cun programa de danza contemporánea de distintos estilos que distribuirá 15 funcións de nove compañías entre os concellos de Ames, Outes, Marín, Foz e Celanova. ISMO Cultura, colectivo organizador do encontro, estenderá así a súa actividade de exhibición e dinamización ás catro provincias. A bailarina Andrea Castro presentou a primeira fase do espectáculo Lola y los lamentos, como artista seleccionada para o acompañamento bienal 20252026 co que o festival apoia procesos de creación de artistas emerxentes e que nesta edición terá como resultado a estrea de 'A mona de seda'.
As diversas actividades do festival terán lugar do 28 de xullo ao 1 de agosto no claustro do Mosteiro de San Salvador de Celanova. A actuación que inaugurará a cita será a da Banda de Música de Celanova con James Morrison, un concerto único en España que terá lugar ás 20,30 horas. Ademais deste, subirán ao escenario a Boston Brass de Estados Unidos, Abraham Cupeiro coa Orquestra Gaos e pechará a edición o Hércules Brass Ensemble dirixido por Isabel Rubio e coa Boston Brass e Adam rapa como solistas. Así, os concertos complementaranse con cinco días de actividades formativas para un centenar de estudantes procedentes de distintas comunidades autónomas. Clases de alto nivel da man dalgúns dos participantes nas actuacións e un seguimento continuo e individualizado que garante un acompañamento pedagóxico para o alumnado.
