sábado, 8 de agosto de 2026
Para elo, urxiu que se habilite un fondo extraordinario para abordar os gastos derivados desta actuación e garantir a correcta atención sanitaria e educativa, así como promover a inclusión social.
Nunha complicada situación económica, agravada pola guerra en Ucraína, o titular do Executivo galego pediu que se poñan en marcha medidas urxentes domésticas, para minimizar as consecuencias socioeconómicas nas empresas e nos cidadáns. O Goberno ten que baixar impostos e concretalos para facer a enerxía máis accesible desde o punto de vista industrial e dos fogares. Temos que baixar os impostos que gravan a electricidade, o gas, a gasolina e o gasóleo. É imprescindible facelo para que non se sigan pechando fábricas, abundou.
Nesta mesma liña, avogou tamén por que se adopten medidas específicas para os sectores máis afectados -transporte, industrias electrointensivas, pesca e agrogandería-. E non podemos seguir con esta transición enerxética abrupta, engadiu, apostando por unha transición moito máis meditada, pausada e proporcional.
Así mesmo, advertiu do risco de que se manteñan algunhas das medidas anunciadas polo Goberno central en relación a un incremento xeneralizado de impostos, entre os que destacou a implantación de peaxes nas autovías que suporían novas cargas para as familias e os sectores produtivos esenciais.
En canto a outros asuntos, como os fondos europeos Next Generation, o responsable da Administración galega lamentou novamente que no coñecido ata agora primen o centralismo e a lentitude no reparto: Centralismo porque de cada dez euros, sete quedan nas mans da Administración xeral do Estado; e lentitude porque das 137 convocatorias que había que sacar neste primeiro trimestre, só se sacaron 31, precisou, denunciando que, deste xeito, os fondos europeos non se van a executar en prazo.
A loita contra os incendios forestais suma un novo aliado tecnolóxico ao servizo de toda a sociedade. A aplicación móbil ALume, deseñada para facilitar que calquera persoa poida dar a alarma sobre un foco de lume de forma inmediata e precisa, xa se atopa plenamente operativa e dispoñible para a súa descarga de balde nas plataformas Android e iOS. O obxectivo principal desta ferramenta é potenciar a detección temperá dos incendios forestais. Nunha emerxencia no monte, os primeiros minutos son decisivos para evitar que un foco inicial se converta nun gran incendio; por iso, ALume nace para acurtar os tempos de aviso e facilitar ao servizo de extinción datos exactos antes de despregar os medios sobre o terreo. Cabe sinalar que a aplicación leva xa 7.000 descargas e 200 notificacións que axudaron ao operativo.
Un dos grandes atractivos desta undécima edición será a estrea de dez novos espectáculos, todos eles impulsados por compañías galegas, un dato que evidencia o dinamismo creativo do sector dos monicreques na Comunidade. A programación abrirase coa nova versión de A festa dos títeres, presentada por Viravolta, Vai de Roda e Títeres Alakrán, para continuar coa estrea de Treco-lerias, de Trécola Producións, e A rosa de papel, adaptación ao teatro de monicreques do texto de Valle-Inclán realizada por Alakrán.
