domingo, 13 de julio de 2025
Con este novo espazo de diálogo e conversa, que no seu título alude á icónica forma do Museo Centro Gaiás que lembra á dunha enorme balea, a Consellería de Cultura, Educación e Universidade abre unha nova fiestra virtual na que darlle voz a profesionais das artes e a cultura de diferentes eidos e achegarse a temáticas moi variadas nun formato distendido e próximo ás novas audiencias dixitais. Este primeiro capítulo está xa dispoñible para ver e escoitar a través das principais plataformas en liña (Spotify, Ivoox, ou Youtube entre outras) e tamén na web da Cidade da Cultura.
O espazo está conducido por Diana Sieira, actriz, creadora escénica e comunicadora cunha dilatada experiencia como produtora e locutora radiofónica en emisoras como Cuac FM, e a quen tamén temos visto como intérprete en series galegas como Matalobos e Urxencia Cero, así como no Luar da TVG conducindo un espazo dedicado ao circo.
Cuestións como o impacto da pandemia nos festivais musicais, ou os retos que enfrontan as mulleres que se dedican profesionalmente a un sector como a promoción e produción de espectáculos como pode ser o teito de cristal ou a conciliación da vida persoal e profesional son algúns dos puntos tratados no diálogo desta primeira entrega das Conversas na balea. Ao longo do faladoiro, tanto Raquel como Andrea afondan nalgúns dos retos que enfrontan ou perciben no seu día a día profesional nun sector no que a presenza de profesionais homes en postos de liderado é maioritaria, e que abrangue desde a dirección de festivais, a promoción de concertos, ou a dirección de orquestras -no ámbito da música clásica-, por nomear algúns exemplos.
Biografía das convidadas das Conversas na balea
Raquel Seijo é codirectora de Sweet Nocturna, unha das principais empresas promotoras musicais da Comunidade, e responsable de traer a Galicia a artistas do renome de Björk, Lennny Kravitz, Shakira, Muse, Tom Jones, Artic Monkeys, Ringo Starr ou Lauryn Hill. Xornalista de formación, é unha das poucas mulleres en España que exerce como promotora musical e acumula ás súas costas máis de 15 anos de experiencia na organización de grandes eventos musicais. É tamén unha das impulsoras da Asociación Galega de Empresas Musicais, e presidiu ata hai poucos días o colectivo Festivais de Galicia, asociación que agrupa o Sinsal, Ribeira Sacra, Sonrías Baixas, Barbeira Season Fest, Festival de la Luz, Vive Nigrán, Revenidas, WOS e Underfest.
Andrea González é pianista, xestora musical, pedagoga e divulgadora. Foi elixida en 2019 entre as Top 100 Mulleres Líderes de España, e Premio Nélida Piñón en Cultura 2022 pola Federación pola lgualdade da Provincia de Pontevedra. É directora e fundadora do International Keyboard Festival & Masterclass da Eurocidade Tui-Valença, vicepresidenta de Juventudes Musicales de España e docente de Xestión e Produción de Música e Artes Escénicas no Conservatorio Superior de Vigo. Conta con numerosos premios nacionais e internacionais como pianista e actuou en lugares como a Australian National University, o Teatro Nacional de Cuba ou o Milton Court del Barbican Center de Londres.
O Festival Abanea celebrará entre o 16 e o 20 de xullo a súa cuarta edición cun programa de danza contemporánea de distintos estilos que distribuirá 15 funcións de nove compañías entre os concellos de Ames, Outes, Marín, Foz e Celanova. ISMO Cultura, colectivo organizador do encontro, estenderá así a súa actividade de exhibición e dinamización ás catro provincias. A bailarina Andrea Castro presentou a primeira fase do espectáculo Lola y los lamentos, como artista seleccionada para o acompañamento bienal 20252026 co que o festival apoia procesos de creación de artistas emerxentes e que nesta edición terá como resultado a estrea de 'A mona de seda'.
As diversas actividades do festival terán lugar do 28 de xullo ao 1 de agosto no claustro do Mosteiro de San Salvador de Celanova. A actuación que inaugurará a cita será a da Banda de Música de Celanova con James Morrison, un concerto único en España que terá lugar ás 20,30 horas. Ademais deste, subirán ao escenario a Boston Brass de Estados Unidos, Abraham Cupeiro coa Orquestra Gaos e pechará a edición o Hércules Brass Ensemble dirixido por Isabel Rubio e coa Boston Brass e Adam rapa como solistas. Así, os concertos complementaranse con cinco días de actividades formativas para un centenar de estudantes procedentes de distintas comunidades autónomas. Clases de alto nivel da man dalgúns dos participantes nas actuacións e un seguimento continuo e individualizado que garante un acompañamento pedagóxico para o alumnado.
