sábado, 19 de septiembre de 2026
Por este motivo, é importante que as autoridades sanitaria manteñan determinadas medidas de prevención orientadas a conter a propagación do coronavirus, e así a facer fronte á crise sanitaria derivada da covid-19.
Cómpre lembrar que non existe ningunha medida de prevención que por si soa poida evitar completamente os contaxios polo virus Sars-CoV-2, sobre todo cando estes contactos se produzan sen que se poida garantir totalmente as medidas de prevención non farmacolóxicas que se aplican na maioría de ámbitos, como son, o uso da máscara en todo momento ou o mantemento da distancia interpersoal de seguridade.
De ser ratificado polo Tribunal Superior de Xustiza, medida prorrogaríase nos seguintes ámbitos.
- establecementos de restauración, hostalaría, lecer nocturno e de xogo que conten con servizos de hostalaría e restauración;
- visitas a persoas hospitalizadas, así como acompañantes nos hospitais de día para tratamentos oncolóxicos ou de diálise;
- visitas e acompañantes en centros sociosanitarios, residenciais de maiores e de persoas con discapacidade
- albergues turísticos;
- práctica da actividade física e deportiva non federada en centros ou instalacións deportivas pechadas e piscinas cubertas;
- eventos multitudinarios ou aqueles que teñan autorizada a venda de alimentos ou bebidas para o seu consumo durante os mesmos.
Sanidade lembra que é preciso manter un comportamento social de cautela e autoprotección asentado nas premisas de hixiene respiratoria e das mans; distancia interpersoal de seguridade; uso de máscaras cando non sexa posible manter a distancia mínima interpersoal, así como cando se estea en contornos con moita xente, especialmente en espazos pechados; limpeza, hixiene e ventilación dos espazos utilizados e, especialmente, adopción de medidas de illamento e comunicación cos servizos de saúde tan pronto como se teñan síntomas compatibles coa COVID-19.
O feito de exhibir o certificado covid constitúe unha medida adicional de seguridade naquelas actividades de maior risco, contribuíndo a diminuír o risco de transmisión, padecer a enfermidade dun xeito grave, ou a xeración de abrochos. Ademais, a día de hoxe en día é preciso o certificado covid-19 para viaxar a determinados países. Deste xeito, Galicia segue a apostar por presentar os certificados covid-19 como unha medida de prevención que ten como valor engadido, ademais, o fomento da vacinación e a realización de probas diagnósticas.
Medio milleiro de investigadoras e investigadores e máis de 150 actividades científicas nas sete cidades galegas: Vigo, Ourense, Pontevedra, Santiago, A Coruña, Ferrol e Lugo. Así se celebrará en Galicia a sexta edición da Noite Galega das Persoas Investigadoras, G-Night 2026, unha actividade na que a comunidade científica galega une talento e esforzos co obxectivo de achegar a ciencia á cidadanía e espertar vocacións científicas, ao tempo que se ofrecen propostas de lecer científico, cultural e educativo para toda a familia.
A Xunta de Galicia reclama ao Goberno central medidas estruturais de apoio ao sector agrogandeiro. Do mesmo xeito, esíxese que se teña en conta a realidade de cada territorio á hora de levar a cabo estas actuacións, que deben executarse de xeito urxente. Así o trasladou a conselleira do Medio Rural, María José Gómez, na Conferencia Sectorial celebrada en Madrid, na que se dirixiu ao ministro de Agricultura, Pesca e Alimentación, Luis Planas, para facer estas reclamacións. Alí, reafirmou tamén o compromiso do Executivo galego con este sector.
