viernes, 16 de enero de 2026
A artista abrirá o ciclo o vindeiro sábado día 5 coa interpretación no Museo Centro Gaiás dos temas, en inglés e castelán, do seu primeiro EP, con música e letra propias. Ademais, estará acompañada pola súa banda: Iago Mouriño ao piano e teclados, Óscar Quintáns coa batería e o instrumentalista Jorge Quesada.
As creacións de Leticia Rey móvense entre o mundo dos soños e o real, con melodías inspiradoras e sons etéreos e moi persoais con toques de jazz, folk e indie, cos que pretende transmitir paz e conectar con quen a escoita.
Da música contemporánea á tablemusic
O ciclo continúa o 12 de febreiro no mesmo escenario coa actuación do dúo catalán Ual·la!, formado por Mateo Lai e Alba Rubió. Os seus compoñentes consideran que son únicos no seu xénero, que dan en chamar tablemusic, un termo utilizado para definir a súa particular e orixinal maneira de entender e facer as súas cancións.
¡PLAY! é o nome do espectáculo que porán en escena, mesturando música e humor con conciencia, intelixencia e orixinalidade. Así, Ual·la! convida ao xogo permanente relacionando elementos dispares sen un sentido concreto, facendo do cotiá e aparentemente simple algo creativo e artístico. Para iso válense de polifonías vocais e ritmos de percusión nunha mesa.
O colectivo de artistas vigués Multiplensemble pechará as Matinais Musicais o 5 de mar-zo. Rafael Yebra, co saxofón; Brenda Vidal, ao piano, e David Rodríguez na percusión deleitarán ao público co programa Perspectivas.
O seu repertorio reúne unha serie de pezas musicais para introducirnos no mundo da música actual a través dun itinerario polos continentes europeo, asiático e americano no que o ritmo e a melodía caracterizan cada unha das propostas. A diversidade, eclecticismo e variedade argumental destes autores convidan a unha viaxe na que gozar da música como a arte dos sons sen máis.
Entre as interpretacións incluídas no seu programa destaca a obra do compositor galego Eduardo Soutullo. As entradas para asistir aos concertos están dispoñibles a través de Ataquilla.com.
O presidente da Xunta, Alfonso Rueda, tras manter hoxe un encontro co seu homólogo na Rioxa, Gonzalo Capellán, volveu rexeitar a proposta de modelo de financiamento autonómico feita polo Goberno central xa que rompe a solidariedade e a igualdade entre as comunidades. 'No caso de Galicia, saímos especialmente prexudicados porque se rompen principios que para nós son absolutamente irrenunciables como a negociación conxunta, a exclusión de bilateralidades, o mantemento da solidariedade e da igualdade en servizos básicos entre todos os territorios', apuntou. 'Somos algo máis do 6,5% da poboación axustada de España e na nova repartición non chegariamos nin ao 3% dos recursos'.
Galicia volve bater o seu propio récord con 429 transplantes e 143 doadores de órganos durante o ano 2025. Da cifra total de transplantes do pasado ano, 229 foron de ril, dos que 22 procedían de doadores vivos; 116 de fígado; 7 de páncreas; 26 de corazón e 51 de pulmón. Estes 429 transplantes beneficiaron a un total de 420 pacientes, tendo en conta que algúns casos foron de transplantes multiorgánicos. Os transplantes pancreáticos, que son os máis complexos, experimentaron a maior subida: incrementáronse un 75 % con respecto ao ano anterior, desde os 4 realizados en 2024 aos 7 de 2025.
