viernes, 23 de octubre de 2026
Incidiu ademais en que esta fórmula será boa para o Goberno central, para a Administración autonómica e, sobre todo, para os cidadáns. Esta coxestión levarase a cabo, tal e como puntualizou o presidente, con solidariedade e lealdade.
Esperemos que nas próximas semanas poidamos ter un texto no que avanzar, afirmou Feijóo, recalcando que este acordo é positivo para unha xestión eficiente do gasto público e para unificar as rendas mínimas que están á disposición dos galegos.
O encontro entre o titular do Executivo galego e o ministro Escrivá serviu ademais para presentar o proxecto que Xunta e Goberno central porán conxuntamente en marcha para axudar á inclusión social das familias con menos recursos e con menores a cargo.
Cun investimento de 10,7 millóns de euros e máis de 1.700 familias beneficiarias, estes fogares terán a súa disposición un apoio social personalizado, destinado a achegar estabilidade e certezas á familia e a apoiar a traxectoria escolar dos nenos. Dentro deste acompañamento desenvolveranse medidas como clases de reforzo escolar, asesoramento para mellorar a empregabilidade, cursos para a xestión da economía doméstica ou de promoción de hábitos saudables e axudas directas para o pago do aluguer, compra de gafas ou facturas de dentista.
Creo que esta iniciativa é unha boa colaboración entre dous gobernos para xuntos impulsar a inclusión. Unha iniciativa útil para depender o menos posible da Risga ou do ingreso Mínimo Vital, para buscar un traballo e ter así un salario que permita abandonar esa situación, abundou.
Ao longo do encontro, Feijóo referiuse tamén á reforma do sistema de cotización dos autónomos e á necesidade de que as cotizacións se axusten aos ingresos; así como a importancia de que España avance cara a un sistema de pensións que garanta a cohesión interxeracional, un elemento que esixe un sistema con vocación de permanencia.
Por último, o responsable do Executivo galego trasladou ao ministro Escrivá a necesidade de contar cunha política de retorno activo por parte da Administración Xeral do Estado, como piar fundamental das medidas de reto demográfico. Nos vindeiros anos necesitaremos poboación activa, capacidade de produción e que mellor que impulsar unhas políticas activas de emigración en favor dos españois residentes no exterior; españois que emigraron e que os seus fillos naceron na diáspora, pero que teñen pasaporte da Unión Europea, dixo, recordando as iniciativas que, neste eido, está a desenvolver a Comunidade co fin de facilitar o regreso dos galegos do exterior.
A primeira etapa da xira de A Gaivota, ensaio aberto desenvolveuse do 12 ao 15 de outubro na sala Atahualpa do Teatro El Galpón de Montevideo, en coprodución con esta institución e no marco do Festival Internacional de Artes Escénicas de Uruguai, FIDAE. O programa comprendeu sete representacións nas que Déborah Vukuić compartiu escenario con Camila Durán e Claudia Trecu, que entraron no lugar das actrices galegas Uxía Suevos e Mercedes Castro. A magnífica resposta do público uruguaio contou cunha destacada presenza da comunidade galega, que converteu as funcións nun espazo de encontro arredor da lingua e da creación escénica de Galicia. Esta acollida precede a chegada á Arxentina, onde Déborah Vukuić compartirá escenario coas actrices locais Eugenia Alonso e Carmela Rivero.
Trátase dunha iniciativa que nace como evolución de Circo Presente Continuo e que se vai desenvolver por primeira vez fóra de Madrid. A Cidade da Cultura, o Teatro Principal e o Salón Teatro serán as súas sedes na capital galega, reunindo artistas, compañías, profesionais da programación, distribuidoras e institucións para compartir proxectos e favorecer novas oportunidades de colaboración e contratación. O programa inclúe oito espectáculos, seis mostras breves e catro traballos en proceso. Entre as propostas figuran Naufragio, de Labsurda; Serena, de Circ Bover; Matrimonio, de Kolektivo Konika; Siku, de Jessica Arpin; e Sen patrón, de Pistacatro, que ofreceu un adianto artístico durante a presentación.
