sábado, 28 de marzo de 2026
Foron fundamentalmente apostas por artistas e comisariados galegos, con amplos programas de actividades arredor de cada exposición a prol do achegamento da cidadanía á creación contemporánea. Cómpre sinalar que tres das mostras foron itinerantes, co obxectivo de favorecer a visibilidade e posta en valor da colección do CGAC en distintas áreas galegas e de España. Así, no marco da iniciativa Unha mirada a Galicia, o Museo do Mar de Galicia, situado en Vigo, e o Centro Cultural Marcos Valcárcel de Ourense acollen Pingas rompentes e Néboas de luz, respectivamente, ata xaneiro. Ademais, o pasado verán levouse o traballo do fotógrafo Jesús Madriñán I am light ao Centro de Arte y Naturaleza de Huesca.
Forte presenza do Xacobeo 21-22
Por outra banda, a celebración do Xacobeo 21-22 encadrou boa parte das exposicións, con seis delas arredor dos Camiños e das peregrinacións, como as tres itinerancias, Camiños I, Camiños II e Hamish Fulton. Walking East. As dúas últimas aínda se poden visitar en diferentes espazos do centro.
Xunto cos proxectos expositivos, o CGAC desenvolveu en 2021 un intenso programa de cursos, obradoiros, faladoiros, seminarios, visitas guiadas e outras accións que o converten nun espazo dinámico e multidisciplinar de referencia, ao servizo tanto de profesionais e persoal investigador como de familias e de centros educativos. Deste xeito, o número de persoas que visitaron o Centro Galego de Arte Contemporánea ou participaron das súas propostas ascendeu neste ano a case 36.000.
Celebración do Ano Laxeiro
O ano que remata foi tamén significativo no pulo da Xunta aos fondos propios do CGAC, coa suma de 60 novas pezas. A metade delas proceden de adquisicións e a outra metade foron doazóns. Na actualidade a colección supera as 1.300 obras, grazas á constante incorporación de pezas desde o seu inicio.
De cara a 2022, o CGAC prevé manter un número similar de exposicións ás deste ano, tamén con referencias ao Xacobeo 21-22, e sumarse á celebración do Ano Laxeiro cun simposio centrado na súa figura, en colaboración coa Real Academia Galega de Belas Artes Nosa Señora do Rosario.
O presidente da Xunta, Alfonso Rueda, anunciou hoxe que a Xunta destinará un total de 270 millóns de euros a paliar os efectos do conflito en Oriente Medio na nosa comunidade. Durante a sesión de control no Pleno do Parlamento de Galicia en resposta ás preguntas dos grupos parlamentarios, o titular do Goberno galego lembrou, ao respecto da situación en Oriente Medio, que o Consello da Xunta xa analizou hai dúas semanas 'os primeiros impactos' e que Galicia foi 'a primeira comunidade autónoma en falar cos clústeres'. Nesta liña, o presidente anunciou que o vindeiro Consello autorizará 'un plan de máis de 150 millóns' para atender aos sectores afectados, que se sumará aos máis de 120 millóns que suporá para Galicia financiar as iniciativas do Goberno central a este respecto.
Para a edición de 2026, chegan desde o outro lado do Atlántico La Cura e El Vacío (ambas estreas en España), nas que o coreógrafo cubano Julio César Iglesias dirixe á prestixiosa Compañía Colombiana de Danza Contemporánea. Tamén a conferencia escénica Arder Épica (Cap. 1) na que o artista brasileiro Reinaldo Ribeiro constrúe unha nova memoria colectiva a partir das cinzas que deixou o incendio do Museo Nacional do Brasil en 2018. Forma parte tamén da programación a instalación inmersiva Hecatombe II: Movementos e rituais para a renovación do mundo, da colombiana de orixe indíxena Martha Hincapié Charry, que rescata saberes ancestrais de líderes nativos das primeiras nacións americanas.
