viernes, 23 de octubre de 2026
No que vai de ano, Galicia recibiu nos seus hoteis 2,9 millóns de viaxeiros que pasaron 6,1 millóns de noites. Sumada esta cifra ao acumulado ata outubro de viaxeiros e noites en establecementos extrahoteleiros, Galicia suma xa case 3,5 millóns de viaxeiros e preto de 8 millóns de noites, cifras que permiten ao noso territorio seguir mantendo un comportamento 22 puntos mellor ca media nacional no que atinxe á recuperación da demanda turística.
Por segmentos, o mercado nacional recupera o 98% da demanda turística de novembro de 2019 mentres que o mercado internacional recupérase nun 70%, ao tempo que tamén melloran as cifras de rendibilidade dos establecementos hoteleiros galegos superándose notablemente as do pasado ano en máis do triplo- e tamén as de 2019 en case tres puntos. O volume de ingresos totais do sector hoteleiro supera levemente os 17millóns de euros, o terceiro máis elevado acadado ata o momento.
Distribución por provincias
Co 47% nas noites hoteleiras a provincia da Coruña liderou o mercado turístico no mes de novembro, seguido de Pontevedra (32%), Lugo ( 12%) e Ourense (9%), o que se traduce nunha recuperación do 95% da demanda de 2019 na Coruña mentres que Pontevedra recupera o 86%, Lugo o 76% e Ourense fica no 70% da demanda de hai dous anos.
A primeira etapa da xira de A Gaivota, ensaio aberto desenvolveuse do 12 ao 15 de outubro na sala Atahualpa do Teatro El Galpón de Montevideo, en coprodución con esta institución e no marco do Festival Internacional de Artes Escénicas de Uruguai, FIDAE. O programa comprendeu sete representacións nas que Déborah Vukuić compartiu escenario con Camila Durán e Claudia Trecu, que entraron no lugar das actrices galegas Uxía Suevos e Mercedes Castro. A magnífica resposta do público uruguaio contou cunha destacada presenza da comunidade galega, que converteu as funcións nun espazo de encontro arredor da lingua e da creación escénica de Galicia. Esta acollida precede a chegada á Arxentina, onde Déborah Vukuić compartirá escenario coas actrices locais Eugenia Alonso e Carmela Rivero.
Trátase dunha iniciativa que nace como evolución de Circo Presente Continuo e que se vai desenvolver por primeira vez fóra de Madrid. A Cidade da Cultura, o Teatro Principal e o Salón Teatro serán as súas sedes na capital galega, reunindo artistas, compañías, profesionais da programación, distribuidoras e institucións para compartir proxectos e favorecer novas oportunidades de colaboración e contratación. O programa inclúe oito espectáculos, seis mostras breves e catro traballos en proceso. Entre as propostas figuran Naufragio, de Labsurda; Serena, de Circ Bover; Matrimonio, de Kolektivo Konika; Siku, de Jessica Arpin; e Sen patrón, de Pistacatro, que ofreceu un adianto artístico durante a presentación.
