domingo, 25 de octubre de 2026
Un fito, engadiu, que coincide no tempo coa conmemoración doutros dous acontecementos transcendentes para a Comunidade: os 40 anos do Estatuto de Autonomía de Galicia e a celebración do Ano Santo dobre e extraordinario, un dos grandes motores de recuperación e reactivación social e económica.
Feijóo lembrou que, malia o atraso acumulado polas obras e mentres operaba noutras zonas de España, Galicia está decidida a aprender das experiencias doutros territorios, dos seus erros e acertos, para obter do AVE toda a rendibilidade que traerá á Comunidade.
Agora que o tempo de viaxe entre Ourense e Madrid queda rebaixado a 2 horas e 15 minutos, sinalou que se fai xustiza co interior da Comunidade e fixo un chamamento a sacar o maior rendemento ás estacións da cidade e a da Gudiña, pois o AVE abre un novo e interesante camiño que amosa a Ourense como escaparate. O ferrocarril é quen de constituír unha alternativa sólida ao avión e un recurso de gran eficacia para a atracción turística, observou.
Con todo, Feijóo insistiu en que o AVE deberá deterse na estación ourensá mentres non se poñan a disposición os trens de rodadura desprazable, polo que asegurou que é irrenunciable que o resto de cidades galegas poidan sumarse canto antes ao mapa da alta velocidade ferroviaria.
Na mesma liña afirmou que é imprescindible que se cumpran os tempos de conexión de pouco máis de tres horas entre Madrid e todas as cidades galegas, atendendo á propia planificación ferroviaria aprobada e comprometida polos distintos Gobernos de España para poñer en valor o multimillonario investimento do AVE do Noroeste.
Así, e tras sinalar a exitosa acollida da posta en servizo do Eixo Atlántico ferroviario como a liña de media distancia con máis pasaxeiros de España en 2016, resaltou a demanda de que se estendan os beneficios da alta velocidade ferroviaria tamén ata Ferrol e Lugo, despexando toda sombra de incerteza sobre as conexións ferroviarias de Vigo, así como a conexión con Portugal.
O presidente da Xunta tamén se referiu ás liñas de alta velocidade como as arterias que poden comunicar un país e facer unha nación máis vertebrada e máis cohesionada, en sintonía coa desexo de Galicia de estar máis preto da realidade á que pertence con orgullo, unha Comunidade que quere e pode contribuír á prosperidade de España e de Europa se conta cos instrumentos axeitados.
Finalmente, Feijóo recoñeceu o labor de empresas, enxeñeiros e traballadores públicos para sacar adiante un colosal desafío técnico pola complexidade da orografía, e agradeceu a meritoria labor dos responsables públicos do Goberno de España, a todos os presidentes do Goberno e ministros implicados polo impulso á infraestrutura, mesmo durante a pasada crise económica.
Foi inaugurada no Museo do Pobo Galego a exposición 'Transfronteiriza', da artista e cineasta tudense Diana Gonçalves, que permanecerá aberta ao público ata o 28 de marzo de 2027. A mostra parte do documental 'Mulleres da Raia', da mesma autora, e froito de tres anos de investigación. A través da linguaxe cinematográfica, de materiais documentais, arquivos históricos e elementos patrimoniais, a proposta constrúe unha experiencia arredor da memoria compartida entre Galicia e o norte de Portugal. En concreto, Transfronteiriza recupera a memoria das mulleres que viviron na fronteira entre ambos territorios a mediados do século XX, que desempeñaron un papel fundamental no comercio transfronteirizo e na supervivencia económica das familias.
Trátase dunha iniciativa que nace como evolución de Circo Presente Continuo e que se vai desenvolver por primeira vez fóra de Madrid. A Cidade da Cultura, o Teatro Principal e o Salón Teatro serán as súas sedes na capital galega, reunindo artistas, compañías, profesionais da programación, distribuidoras e institucións para compartir proxectos e favorecer novas oportunidades de colaboración e contratación. O programa inclúe oito espectáculos, seis mostras breves e catro traballos en proceso. Entre as propostas figuran Naufragio, de Labsurda; Serena, de Circ Bover; Matrimonio, de Kolektivo Konika; Siku, de Jessica Arpin; e Sen patrón, de Pistacatro, que ofreceu un adianto artístico durante a presentación.
