jueves, 13 de agosto de 2026
Ao longo da súa traxectoria, as súas inquietudes artísticas lévana máis aló dos circuítos tradicionais do flamenco, colaborando con orquestras e músicos de todo o mundo.
A Sinfónica de Galicia estará conducida nesta ocasión por José Trigueros, percusionista primeiro e director asociado da orquestra. O programa elixido inclúe a obra El corregidor y la molinera de Manuel de Falla e unha escolma de cancións antigas españolas harmonizadas por Federico García Lorca. Ambos compartiron amizade e colaboraron xuntos en varias ocasións, ademais de ser dous dos compositores cos que Marina Heredia ten acadado maior recoñecemento a nivel internacional. José Trigueros é responsable da orquestración das cancións partindo da partitura para piano e canto que deixou o poeta granadino.
A actuación dará comezo ás 19 horas no Museo Centro Gaiás, logo do acendido da iluminación e da decoración de Nadal que este ano transformará o museo nun Marabilloso Camiño de Inverno ideado pola deseñadora e escenógrafa galega Ana Inés Jabarés-Pita. A programación da Cidade da Cultura para este Nadal complétase con teatro, obradoiros e espectáculos de maxia e circo, todas elas actividades pensadas para gozar destas datas en familia.
Galicia vén de pechar o mes de xullo máis cálido desde 1961, ano a partir do que se dispón na Comunidade de rexistros climatolóxicos. Esta é a principal conclusión do informe mensual elaborado por MeteoGalicia e que presentou esta mañá en Santiago a directora xeral de Enerxías Renovables e Cambio Climático, Paula Uría. Tal e como explicou, o valor medio da temperatura máxima se situou en 29 graos, cunha anomalía positiva de 3,5 graos en comparación cos rexistros das estacións meteorolóxicas máis representativas da Comunidade. Ademais, no caso da temperatura media o dato situouse en 22,5 graos, 2,8 graos por riba do valor normal climatolóxico para este mes.
O Diario Oficial de Galicia publicou a orde pola que se actualiza a relación de deportistas de alto nivel, alto rendemento, rendemento deportivo de base e vitalicias, así como persoas adestradoras ou técnicas, xuízas e árbitras recoñecidas de alto nivel. Esta actualización súmase ás realizadas en xuño e establece un novo récord de persoas recoñecidas, que ascenden a 1.941, das que 835 son mulleres (43%) e 1.106 homes (57%). Arredor do 76 % das persoas -1.466- son deportistas galegos de alto nivel (623 mulleres e 843 homes). Ademais, figuran 201 deportistas de alto rendemento (101 mulleres e 100 homes), 183 deportistas de rendemento deportivo de base (86 mulleres e 97 homes), 47 persoas técnicas de alto nivel (catro mulleres e 43 homes), 29 persoas árbitras e xuízas (16 mulleres e 13 homes) e 15 deportistas galegos de alto nivel vitalicios.
