martes, 24 de marzo de 2026
Jacobo Rey instou aos máis pequenos, e tamén ás mozas e mozos, a participar activamente nunha iniciativa que contribuirá a facer realidade o dereito á participación social dos nenos nenas e adolescentes, para que, como cidadáns que sodes, poidades expor todo aquelo que lles preocupa ou interesa.
Ademais, o Consello Galego de Participación infantil e Adolescente, que verá a luz nas vindeiras semanas e cuxo funcionamento foi consensuado coas principais entidades do sector, busca conseguir máis cohesión e concienciación no conxunto da sociedade galega sobre a necesidade de protexer os dereitos da infancia e da adolescencia. Así, este órgano estará conformado polos participantes nas comisións locais que pertenzan ao programa Cidades Amigas da Infancia e buscará solucións para as diferentes dificultades ás que se enfronta a mocidade desde o consenso e a colaboración.
Cidades amigas da Infancia
Neste sentido, cabe salientar que nos últimos anos o número de localidades galegas adheridas ao programa Cidades Amigas da Infancia pasou dunha, Castrelo de Miño, a dez coa incorporación dos concellos de Teo, Cabanas, Carnota, Moeche, Redondela, Tomiño, O Porriño e Ourense e a máis recente de Ponteareas.
O presidente da Xunta, Alfonso Rueda, advertiu de que as novas medidas para paliar os efectos da guerra de Irán aprobadas polo Goberno central terán 'un impacto directo nas arcas autonómicas' xa que Galicia 'deixará de ingresar máis de 120 millóns de euros' nos tres meses que estas medidas estarán inicialmente en vigor. As medidas con impacto fiscal anunciadas polo Goberno central enfócanse na redución do IVE e dos impostos especiais para os carburantes, electricidade e gas. Ao estar estes tributos cedidos ás Comunidades Autónomas, o impacto derivado da menor recadación repártese entre o Estado e as autonomías, en función da porcentaxe de cesión(no IVE é do 50%, nos impostos especiais do 58%).
O número de emigrantes galegos persoas que naceron en Galicia e residen no exterior volve baixar un ano máis en 2.006 persoas, continuando a tendencia dos últimos exercicios. En paralelo, a poboación galega total que reside no exterior increméntase debido ás novas inscricións de persoas descendentes de galegas e galegos nacidas no estranxeiro, ata acadar os 563.303 (incremento de 15.051 persoas, un 2,75%) a 1 de xaneiro de 2026, segundo os datos publicados hoxe polo Instituto Nacional de Estadística (INE).
