jueves, 24 de septiembre de 2026
Neste sentido, Castro destacou a posta en marcha de programas e liñas de axuda para a mellora da calidade e da sustentabilidade tanto das infraestruturas, servizos e produtos turísticos ofertados por unha industria turística galega cada vez máis moderna, dixitalizada e tamén, máis sustentable.
A responsable de Turismo de Galicia compartiu unha mesa de debate que serviu para intercambiar experiencias e boas prácticas no proceso de recuperación do sector turístico onde se puxeron como exemplos a campaña de promoción Camiña a Galicia ou o Seguro coronavirus, accións que permitiron que Galicia pechara a temporada de verán colleitando datos históricos e que a comunidade liderara os rexistros turísticos de toda España.
A Consellería de Educación vai dotar aos centros educativos de apoios específicos de acompañamento, formación e recursos materiais para desenvolver os novos programas de reforzo Avanza Lectura e Avanza Matemáticas, que se van poñer en marcha este curso en Primaria ao abeiro do novo Marco galego para o impulso educativo. O conselleiro Román Rodríguez reuniuse co Consello Escolar de Galicia para avaliar o inicio de curso e dar conta das accións da Xunta enfocadas a 'reforzar aprendizaxes apoiando a quen máis o precise, fomentar a cultura do esforzo e impulsar unha mellora integral e continua do sistema'.
O Consello da Xunta analizou na súa reunión de hoxe un informe da Consellería do Medio Rural sobre o anteproxecto de Lei de loita contra os incendios forestais de Galicia (LLCIF), antes da súa remisión para consulta ao Consello Forestal de Galicia, cuxa reunión está prevista para mañá martes. A futura normativa prioriza reforzar a protección da poboación e a xestión integral do territorio. O presidente do Goberno autonómico, Alfonso Rueda, lembrou que actual lexislación sobre incendios forestais 'ten case 20 anos' e 'cómpre actualizarla e adaptala aos novos tipos de lumes así como aos avances que houbo tanto na loita como na prevención de incendios'.
