miércoles, 30 de septiembre de 2026
As conferencias continuarán nos días sucesivos, sempre ás 19,00 horas. O martes 28 será a quenda de Antonio Pérez Henares. Seguiralle Juan Eslava Galán o mércores 29 e pechará Emilio Lara o xoves 30. De marcado carácter divulgativo, todas celebraranse no auditorio do Museo con entrada libre e gratuíta ata completar aforo.
A entidade organizadora, formada por un grupo de escritores e historiadores españois, traballa por difundir a Historia de España a través da novela histórica combinando Historia e ficción con rigurosidade polos feitos acaecidos coas ferramentas propias da narrativa. O obxectivo é aunar a Historia e Literatura a través de seminarios, cursos universitarios ou ciclos de conferencias de xeito ameno e atractivo para o gran público.
O ciclo Santiago, historias dun Camiño prodixioso enmárcase nas distintas actividades conmemorativas do 70 aniversario do Museo das Peregrinacións e de Santiago, que inclúe unha programación variada e dirixida a todas as idades. A Xunta busca así fomentar o papel estratéxico do museo na divulgación xacobea, especialmente coincidindo co dobre Ano Santo que se celebra en 2021 e 2022. Para iso, a programación especial desta efeméride inclúe visitas teatralizadas, obradoiros de oficios tradicionais, conferencias, concertos e exposicións neste último trimestre do ano.
Alfonso II, o primeiro peregrino, por Isabel San Sebastián
Isabel San Sebastián (Santiago de Chile, 1959) será a encargada da charla inaugural, titulada Alfondo II, o primeiro peregrino. Xornalista e escritora, traballou en numerosos medios de comunicación tanto en prensa, radio e televisión, ademais de publicar máis dunha decena de libros. Nos últimos anos profundizou na temática xacobea coas novelas La Peregrina, que relata aventura que deu orixe ao primeiro Camiño de Santiago, pola que obtivo o Premio Internacional Pentafinium Jacobeo de Literatura, e Las Campanas de Santiago, publicada en 2020 e que retrata a Compostela de 997.
Os cabaleiros de Santiago, por Antonio Pérez Henares
O martes 28 será a quenda do escritor e xornalista Antonio Pérez Henares (Guadalajara, 1953) coa conferencia Os cabaleiros de Santiago. Recoñecido polas súas obras prehistóricas Nublares, El hijo de la Garza, El último cazador, La mirada del lobo e La canción del Bisonte, tratou a Historia medieval en novelas como La tierra de Alvar Fáñez e El rey pequeño. A súa última novela do xénero é Cabeza de vaca, sobre a figura do conquistador español que cruzou a pé Florida ata o Pacífico e México. Escribiu tamén varios libros de viaxes e é, ademáis, presidente da Asociación Escritores con la Historia.
Os meus Camiños de Santiago, por Juan Eslava Galán
O autor de obras como o Premio Planeta En busca del Unicornio, Juan Eslava Galán (Arjona, 1948) será o terceiro autor en participar neste ciclo. Será o mércores 29 de setembro coa conferencia Os meus Camiños de Santiago. A súa carreira como escritor suma un cento de libros principalmente novelas e ensaios históricos. Entre as súas primeiras novelas destacan El comedido hidalgo, con ecos cervantinos da España de fins do século XVI, ou La mula e Señorita, ambas con tramas que se desenvolven durante a Guerra Civil Española. Tamén publicou baixo o pseudónimo de Nicholas Wilcox. Os seus últimos libros son Una historia de la Guerra Civil ou La Conquista de América Contada para Escépticos.
O Camiño e a aventura de Europa, por Emilio Lara
O ciclo rematará o xoves 30 con Emilio Lara (Xaén, 1968) e a súa conferencia O Camiño e a aventura de Europa. Emilio Lara é doutor en Antropoloxía, licenciado en Humanidades con Premio Extraordinario de Grao, Premio Nacional Fin de Carreira, profesor de Xeografía e Historia de Ensinanza Secundaria. Na súa traxectoria literaria publicou catro novelas: La cofradía de la Armada Invencible, El relojero de la Puerta del Sol, Tiempos de Esperanza e Centinela de los sueños, que o fixeron merecedor de numerosos premios.
A Xunta iniciou hoxe nas residencias de maiores a campaña de vacinación fronte á gripe, que incorpora a vacina reforzada desde os 65 anos e busca chegar a 926.000 persoas de máis de 60 anos. En Galicia hai 926.000 persoas de 60 ou máis anos como poboación diana para a vacinación fronte á gripe, e ao redor de 549.000 maiores de 70 anos, que é a poboación diana para a que está indicada a inmunización fronte á covid. A campaña prolongarase ata o 31 de decembro, desenvolvéndose de xeito progresivo nos distintos colectivos e grupos de idade. Así, logo do arranque de hoxe nas residencias de maiores e centros de discapacidade, o vindeiro día 13 de outubro incorporarase a vacinación infantil nos centros de saúde e nos 75 colexios.
O informe de balance do programa de axudas para a Atracción de Empresas a Galicia, unha liña xestionada pola Consellería de Economía e Industria a través do Igape que se consolida como un piar estable dentro da estratexia económica do Goberno galego, reflicte que entre os anos 2024 e 2026, este programa permitiu a concesión de 74,08 millóns de euros en subvencións públicas, unha contía que impulsou a posta en marcha de 96 proxectos empresariais e que xerará un impacto económico total de 256,75 millóns de euros en mobilización de investimento privado.
