sábado, 8 de agosto de 2026
O presidente do Goberno galego, Alberto Núñez Feijóo, trasladou á vicepresidenta primeira e ministra de Asuntos Económicos e Transformación Dixital, Nadia Calviño, de aportar solucións á crise industrial e apostar por proxectos que modernicen a economía e consoliden o emprego.
Durante a xuntanza, Feijóo referiuse deste xeito a distintos asuntos clave para a Comunidade, como a distribución dos fondos Next Generation, a dixitalización, a inclusión financeira ou a prolongación das deducións fiscais do Xacobeo ata 2023.
Nun primeiro termo, o titular da Xunta incidiu na necesidade de que se dean a coñecer os criterios de reparto dos fondos. Trasladeille o interese de Galicia de poder competir co resto dos proxectos que se presenten e, por iso, a cogobernanza e o coñecemento das condicións e criterios de elixibilidade son cuestións moi importantes, abundou.
Nesta liña, valorou o compromiso da vicepresidenta primeira de avaliar os proxectos prioritarios para Galicia, relacionados co ámbito forestal, agroalimentario, da automoción, co sector aeronáutico e coa sanidade no eido tecnolóxico; así como a necesidade de que o naval conte co seu propio PERTE.
No contexto da crise industrial que atravesa Galicia, Feijóo reiterou a preocupación polos 16.000 postos de traballo en perigo en sectores clave como o electrointensivo, o enerxético, o forestal ou a cadea mar-industria, afectando especialmente á comarca de Ferrol, Eume e Ortegal.
Por outra banda, e no eido da dixitalización, Feijóo salientou que a conectividade e os obxectivos da banda ancha son esenciais para o progreso de Galicia. E con este fin solicitamos que se establezan obrigas de cobertura por comunidades autónomas tanto na rede fixa como na móbil; así como cobertura fóra de núcleos de poboación, en especial en zonas de importante tránsito de persoas, precisou.
Sobre os problemas cos caixeiros no rural, solicitou á vicepresidenta primeira que o Goberno, xunto co Banco de España e a CNMC, active un marco normativo común para regular a prestación universal destes servizos.
Finalmente, o presidente da Xunta aproveitou o encontro para incidir na oportunidade económica que supón para Galicia e España un Ano Santo bienal e, neste senso, plantexou a posibilidade de ampliar ata o 31 de decembro de 2023 o prazo para aplicar as desgravacións fiscais aos patrocinadores do Xacobeo.
A loita contra os incendios forestais suma un novo aliado tecnolóxico ao servizo de toda a sociedade. A aplicación móbil ALume, deseñada para facilitar que calquera persoa poida dar a alarma sobre un foco de lume de forma inmediata e precisa, xa se atopa plenamente operativa e dispoñible para a súa descarga de balde nas plataformas Android e iOS. O obxectivo principal desta ferramenta é potenciar a detección temperá dos incendios forestais. Nunha emerxencia no monte, os primeiros minutos son decisivos para evitar que un foco inicial se converta nun gran incendio; por iso, ALume nace para acurtar os tempos de aviso e facilitar ao servizo de extinción datos exactos antes de despregar os medios sobre o terreo. Cabe sinalar que a aplicación leva xa 7.000 descargas e 200 notificacións que axudaron ao operativo.
Un dos grandes atractivos desta undécima edición será a estrea de dez novos espectáculos, todos eles impulsados por compañías galegas, un dato que evidencia o dinamismo creativo do sector dos monicreques na Comunidade. A programación abrirase coa nova versión de A festa dos títeres, presentada por Viravolta, Vai de Roda e Títeres Alakrán, para continuar coa estrea de Treco-lerias, de Trécola Producións, e A rosa de papel, adaptación ao teatro de monicreques do texto de Valle-Inclán realizada por Alakrán.
