jueves, 10 de julio de 2025
Comisariada pola crítica de arte Bea Espejo, Os brancos segredos do seu ventre convidaba aos visitantes a un percorrido cromático, da cor branca á negra, a través de fotografías, pinturas, instalacións, figuras ou obxectos cotiás revisionados en uso e dimensións. Todas estas pezas, que foron integrando a colección da Fundación Rac nos últimos 30 anos, puideron visitarse con entrada de balde no Gaiás, coa posibilidade de afondar tamén nesta colección a través dun programa gratuíto de visitas guiadas conducidas polo equipo didáctico do Museo Gaiás.
Na mostra exhibíronse obras de creadores de prestixio internacional como Tracey Moffatt, referente da xeración creativa coñecida como os Young British Artists dos 80-90 xunto a Damian Hirst; John Baldessari, cunha mostra da súa xenialidade na retranca conceptual; Tacita Dean, cunha instalación pictórica de grandes dimensións; David Zink Yi, cunha lura xigante de porcelana enchoupada en tinta; ou Roman Signer, cunha reconstrución dunha casa para facer repensar as connotacións tradicionalmente asociadas, sobre todo as adquiridas tras a pandemia.
Nesta escolma incluíronse tamén artistas españois con repercusión internacional, como Ignasi Aballí autor do proxecto que representa a España na vindeira Bienal de Venecia Carmen Calvo, Eulalia Valldosera ou Pepe Espaliú.
Artistas galegos
En canto a presenza de galegos, en Os brancos segredos o seu ventre puideron verse obras de Diego Santomé coa súa provocadora Derecho a la pereza xunto a instalacións de Rosendo Cid, Marcos Covelo, Sara Coleman e da recoñecida Ángela de la Cruz, Premio Nacional de Artes Plásticas e candidata aos Turner, os premios de arte máis coñecidos e prestixiosos do Reino Unido que outorga anualmente a Tate de Londres.
Trátase dunha selección plural, que ademais contribúe a situar a arte galega nun contexto internacional, ofrecendo a posibilidade de gozar de arte latinoamericana (México, O Brasil, Chile, O Perú), de Portugal, Suiza, Finlandia ou Sudáfrica, con nomes de referencia, nun diálogo cos artistas máis destacados da arte galega de vangarda.
Deseño expositivo
Ademais do criterio cromático, o deseño da exposición estivo inspirado no propio arquitecto da Cidade da Cultura, Peter Eisenman, quen a través das páxinas da obra mestra de H. Melville, Moby Dick, imaxinou para o Gaiás un museo con esqueleto de cetáceo. Deste xeito, deseño expositivo emulou o ventre dunha balea, no interior da cal esta exposición convidaba a que a arte despregase o seu universo de cores. Precisamente, o título da mostra está extraído dunha das pasaxes do capítulo 42 de Moby Dick: Os brancos segredos do seu ventre.
O Festival Abanea celebrará entre o 16 e o 20 de xullo a súa cuarta edición cun programa de danza contemporánea de distintos estilos que distribuirá 15 funcións de nove compañías entre os concellos de Ames, Outes, Marín, Foz e Celanova. ISMO Cultura, colectivo organizador do encontro, estenderá así a súa actividade de exhibición e dinamización ás catro provincias. A bailarina Andrea Castro presentou a primeira fase do espectáculo Lola y los lamentos, como artista seleccionada para o acompañamento bienal 20252026 co que o festival apoia procesos de creación de artistas emerxentes e que nesta edición terá como resultado a estrea de 'A mona de seda'.
As diversas actividades do festival terán lugar do 28 de xullo ao 1 de agosto no claustro do Mosteiro de San Salvador de Celanova. A actuación que inaugurará a cita será a da Banda de Música de Celanova con James Morrison, un concerto único en España que terá lugar ás 20,30 horas. Ademais deste, subirán ao escenario a Boston Brass de Estados Unidos, Abraham Cupeiro coa Orquestra Gaos e pechará a edición o Hércules Brass Ensemble dirixido por Isabel Rubio e coa Boston Brass e Adam rapa como solistas. Así, os concertos complementaranse con cinco días de actividades formativas para un centenar de estudantes procedentes de distintas comunidades autónomas. Clases de alto nivel da man dalgúns dos participantes nas actuacións e un seguimento continuo e individualizado que garante un acompañamento pedagóxico para o alumnado que xa leva participado en varias edicións consecutivas do festival.
