lunes, 10 de agosto de 2026
Por outra banda, quedan en nivel alto, na provincia da Coruña, os municipios de Melide, Porto do Son, Carballo, Fisterra, Oleiros, Vimianzo, Arzúa e Ribeira; en Lugo os de Burela, Viveiro, Cervo, Foz e Ribadeo; na provincia de Ourense, ademais de Avión, Barbadás e Carballiño estará a cidade de Ourense; e, na provincia de Pontevedra estarán Vigo, Pontevedra, A Illa de Arousa, Vilagarcía, Vilanova de Arousa, Marín, Poio, Baiona, Gondomar, Nigrán, O Rosal e Tomiño. O resto de Galicia quedará en nivel medio ou medio-baixo.
No tocante á decisión de establecer un control de acceso que garanta unha restauración e hostalería seguras, Feijóo subliñou que para acceder ao interior destes locais nos concellos en niveis máximo e alto esixirase: o certificado de vacinación completa; unha proba negativa nas últimas 72 horas; ou acreditar ter pasado a infección, quedando exentos de calquera destas acreditacións os menores de 12 anos.
Todo isto co obxectivo de buscar a máxima seguridade, ao tempo que se evita que os bares e restaurantes teñan que pechar cada vez que un concello chega a un nivel de risco máximo ou alto. Ademais de incrementar a participación nos cribados dos menores de 40 anos, xa que só están acudindo catro de cada dez citados.
Así mesmo, co novo modelo: no nivel máximo o aforo será do 30% en interior e do 50% en exterior, e haberá que acreditar a vacina, unha proba negativa ou ter pasada a enfermidade para acceder. E no nivel alto será do 50% en interior, tendo que presentar a acreditación sanitaria para acceder; e do 50% en exterior.
Non será necesario esta acreditación para entrar nos establecementos dos concellos en nivel medio, onde o aforo será do 50% en interior e do 50% en exterior. E tampouco no nivel medio- baixo, no que o aforo será do 50% no interior e do 100% nas terrazas.
En canto aos locais de ocio nocturno, Feijóo subliñou que, como xa estaba previsto, deberán permanecer pechados nos niveis máximo e alto, podendo ocuparse o 50% do aforo no interior nos niveis medio e medio-baixo e quedando o 75% en terraza no medio e ao 100% no medio-baixo, sempre acreditando proba negativa nas últimas 72 horas ou estar vacinado.
Sobre este punto, recordou que ademais seguirá sendo obrigatorio a instalación dun medidor de CO2; contar cun rexistro de clientes; o uso de máscaras e a distancia de seguridade; e o peche manterase na unha da mañá para a hostalería e nas tres para os locais do ocio nocturno.
En relación ás reunións, o presidente do Goberno galego destacou a solicitude ao Tribunal Superior de Xustiza de Galicia da autorización para esixir o control nas xuntanzas, de xeito que se permitirán as reunións de non conviventes de máximo 6 persoas en interiores e 10 en exteriores, ou ben dous grupos de convivencia.
Queremos evitar as reunións multitudinarias sen garantías que están tras un gran número de contaxios, afirmou, precisando que as reunións de non conviventes estarán prohibidas entre a unha e as seis da mañá no nivel máximo e alto e entre as tres e as seis para os niveis medio e medio-baixo.
Ao longo da rolda de prensa, o titular da Xunta recordou que as medidas que limitan dereitos fundamentais deben ser trasladadas para a súa ratificación ao TSXG, polo que haberá que esperar a coñecer o seu posicionamento para que entren en vigor, matizou, se ben subliñou que si entrarán en vigor o próximo sábado o resto das medidas relativas a aforos nos establecementos.
A loita contra os incendios forestais suma un novo aliado tecnolóxico ao servizo de toda a sociedade. A aplicación móbil ALume, deseñada para facilitar que calquera persoa poida dar a alarma sobre un foco de lume de forma inmediata e precisa, xa se atopa plenamente operativa e dispoñible para a súa descarga de balde nas plataformas Android e iOS. O obxectivo principal desta ferramenta é potenciar a detección temperá dos incendios forestais. Nunha emerxencia no monte, os primeiros minutos son decisivos para evitar que un foco inicial se converta nun gran incendio; por iso, ALume nace para acurtar os tempos de aviso e facilitar ao servizo de extinción datos exactos antes de despregar os medios sobre o terreo. Cabe sinalar que a aplicación leva xa 7.000 descargas e 200 notificacións que axudaron ao operativo.
Un dos grandes atractivos desta undécima edición será a estrea de dez novos espectáculos, todos eles impulsados por compañías galegas, un dato que evidencia o dinamismo creativo do sector dos monicreques na Comunidade. A programación abrirase coa nova versión de A festa dos títeres, presentada por Viravolta, Vai de Roda e Títeres Alakrán, para continuar coa estrea de Treco-lerias, de Trécola Producións, e A rosa de papel, adaptación ao teatro de monicreques do texto de Valle-Inclán realizada por Alakrán.
