miércoles, 16 de septiembre de 2026
Deste xeito, e ante o cambio de perfil das persoas contaxiadas pola covid-19, o conselleiro avanzou un novo modelo para adoptar restrición nos concellos, onde primará a presión asistencial dos hospitais galegos.
Así, adiantou que se trata dun modelo dinámico, variable e onde terá moita importancia a presión asistencial de cada área, detallando que se tiveron que axustar os criterios epidemiolóxicos á nova realidade, na que hai un número maior de poboación vacinada, moitos casos activos entre poboación máis nova, e tamén un novo patrón no perfil das persoas que ingresan pola covid.
Nesta mesma liña, o responsable de Sanidade informou que a obriga de presentar unha PCR ou test de antíxeno negativo -realizado nas últimas 72 horas- ou o certificado de vacinación completa, será extensiva dende o vindeiro martes día 20 de xullo aos locais de ocio nocturno que se ubican en concellos de nivel medio baixo.
No que atinxe á situación epidemiolóxica de Galicia, a directora xeral de Saúde Pública, Carmen Durán, explicou que a incidencia na nosa comunidade a 7 días é de 142 casos (polos 258 da media nacional), e que a 14 días é de 210 casos (polos 437 da media española). Así mesmo, precisou que a taxa de positividade en Galicia é arestora do 6.09%, un punto por encima do límite recomendado pola OMS e case a metade da media española.
En canto á realización de probas diagnósticas, a responsable de Saúde Pública explicou que esta actividade continúa intensificándose e que, durante a pasada semana citáronse para os cribados a 41.000 persoas, acudindo o 41,5% das convocadas, e detectándose un total de 323 casos positivos. Neste senso, convidou a poboación máis nova a acudir aos cribados que se realizarán na presente semana, nos que se convocou a máis de 26.000 persoas.
Restricións por concellos
O comité clínico que asesora á Xunta de Galicia na xestión da pandemia provocada pola covid-19, acordou, na súa reunión de onte, o establecemento do nivel alto de restricións para os concellos de Ourense, Barbadás, A Illa de Arousa, Cambados, Vilagarcía de Arousa, Vilanova de Arousa, O Barco de Valdeorras.
Ademais, as medidas do nivel medio serán de obrigado cumprimento nos concellos de Culleredo, Porto do Son, O Carballiño, Ribadavia, Sarria, Sanxenxo, Poio, Boiro, A Pobra do Caramiñal, Marín, Pontevedra, Redondela, Vigo, Caldas de Reis e Salceda de Caselas.
Os restantes concellos galegos permanecerán no nivel medio baixo.
Todas estas medidas entrarán en vigor ás 00:00 horas do vindeiro sábado, 17 de xullo.
O Festival Maré celebrará do 23 ao 27 de setembro a súa sétima edición en Santiago de Compostela, cunha programación que volve situar a cidade como punto de encontro de culturas, linguas e diferentes expresións musicais. A cita reunirá artistas de máis de 16 países e con representación de 12 linguas. A programación desta sétima edición estará formada por máis de 30 espectáculos, catro producións propias, oito propostas inéditas en Galicia e unha estrea absoluta. Entre os principais nomes do cartel atópanse Aterciopelados, Bia Ferreira, Omar Souleyman, Haydée Milanés & Javier Colina, Ala.ni, António Zambujo, Magalí Sare & Vox Stellae e Marcos Coll.
Foi prsentada a Visión Estratéxica 2026-2028 da Asociación Europea de Cooperación Territorial (AECT) da Eurorrexión GaliciaNorte de Portugal. A visión estratéxica ofrece un novo marco de actuación co que se pretende reforzar o papel da cooperación transfronteiriza e consolidar a Eurorrexión Galicia-Norte de Portugal como un espazo común de oportunidades, coñecemento, innovación, competitividade e desenvolvemento. Ademais, estrutura a intervención da AECT en cinco grandes áreas -cultura, turismo, xuventude e emprego transfronteirizo e investigación e competitividade-, consolidando proxectos cun impacto recoñecido e abrindo novas frontes de cooperación entre Galicia e o Norte de Portugal.
