lunes, 10 de agosto de 2026
O 14 de xuño Galicia activou o 3º plan. Hoxe, a un día de vencemento do prazo, apenas se recibiron 4.000 peticións que supoñen 64M. Tanto no 1º como no 2º plans de rescate autonómicos, a Xunta rexistrara unhas 40.000 solicitudes en cada un. Constátase que se ten presentado un número moi reducido de solicitudes en relación cos plans precedentes, polo que se considera necesario flexibilizar os requisitos e reducir a burocracia imposta polo Real Decreto estatal que regula as condicións de acceso aos pagamentos para todas as Comunidades Autónomas.
A Xunta, ademais de dirixir cadanseus escritos á Vicepresidencia 1ª do Estado e á ministra de Hacienda, decidiu utilizar a escasa marxe de manobra que lle deixa a regulación estatal para ampliar o prazo de solicitude ata o 30 de setembro (vencía mañá) e para reducir ao 30% o requisito de baixa de facturación para que as empresas de calquera sector poidan percibir os cartos.
Nas misivas remitidas ao Goberno central, Galicia pide que para percibir os cartos non sexa preciso como agora ter débedas e créditos pendentes e solicita liberar ás empresas da carga burocrática e de información fiscal que teñen que xustificar. Tamén demanda claridade nos criterios porcentuais polos que se calcula a contía máxima a percibir.
Como nos dous primeiros plans de rescate, a Xunta defende que prime o requisito de especial afección pola pandemia, xustificado por unha caída do volume de facturación, sen impoñer un destino específico aos cartos percibidos.
O Goberno galego quere que se acaden os obxectivos de apoio á solvencia empresarial do sector privado previstos no Real Decreto 5/2021. Medidas como a da ampliación do prazo foron pactadas cos representantes do Diálogo Social e a Mesa do Emprego Autónomo, que veñen trasladando á Xunta, nas reunións periódicas a insuficiencia destes apoios.
Bono autónomo
Tamén desde hoxe poden solicitarse as axudas do Bono Autónomo, unha liña de apoios que a Xunta de Galicia lanza por quinta edición para as persoas traballadoras por conta propia. O programa está dotado dun investimento de 5,5 millóns de euros encamiñados á mellora do rendemento empresarial e profesional dos autónomos cunha antigüidade superior aos 42 meses.
Con estes cartos preténdese, por unha banda, contribuír á consolidación dos negocios das persoas traballadoras autónomas e, por outra, animar a novos emprendedores a iniciar as súas andainas por conta propia.
A loita contra os incendios forestais suma un novo aliado tecnolóxico ao servizo de toda a sociedade. A aplicación móbil ALume, deseñada para facilitar que calquera persoa poida dar a alarma sobre un foco de lume de forma inmediata e precisa, xa se atopa plenamente operativa e dispoñible para a súa descarga de balde nas plataformas Android e iOS. O obxectivo principal desta ferramenta é potenciar a detección temperá dos incendios forestais. Nunha emerxencia no monte, os primeiros minutos son decisivos para evitar que un foco inicial se converta nun gran incendio; por iso, ALume nace para acurtar os tempos de aviso e facilitar ao servizo de extinción datos exactos antes de despregar os medios sobre o terreo. Cabe sinalar que a aplicación leva xa 7.000 descargas e 200 notificacións que axudaron ao operativo.
Un dos grandes atractivos desta undécima edición será a estrea de dez novos espectáculos, todos eles impulsados por compañías galegas, un dato que evidencia o dinamismo creativo do sector dos monicreques na Comunidade. A programación abrirase coa nova versión de A festa dos títeres, presentada por Viravolta, Vai de Roda e Títeres Alakrán, para continuar coa estrea de Treco-lerias, de Trécola Producións, e A rosa de papel, adaptación ao teatro de monicreques do texto de Valle-Inclán realizada por Alakrán.
