domingo, 22 de marzo de 2026
O vicepresidente económico e conselleiro de Economía, Empresa e Innovación, Francisco Conde, participou hoxe en Ferrol no IV Encontro de Deseño para a Innovación Empresarial
Imaxe 1 de 2
1 de 2
O vicepresidente segundo e conselleiro de Economía, Empresa e Innovación, Francisco Conde, avanzou que a Xunta convocará a nova liña de axudas DeseñaPeme, para que pemes e microempresas galegas incorporen o deseño como ferramenta de innovación e sustentabilidade. Segundo apuntou, a previsión é poder apoiar 50 proxectos a través dun investimento de 1,5 millóns de euros con axudas que oscilan entre os 5000 e os 100.000 euros.
Conde, que interveu no IV Encontro de Deseño para a Innovación Empresarial, no CIS Tecnoloxía e Deseño de Ferrol, explicou que se trata dunha liña de apoios específica enmarcada no novo Programa de Deseño para a Innovación e a Sustentabilidade 2024-Diferenza, no que colabora a Fundación Didac. Un programa que busca consolidar a cultura da innovación e o deseño no tecido empresarial de Galicia para dar resposta aos retos actuais, en liña co que marca Europa. O obxectivo, engadiu, é crear un ecosistema galego de deseño e innovación orientado ao desenvolvemento económico de Galicia.
Segundo explicou, potenciará actuacións como a construción de grupos multidisciplinares de co-creación para establecer pontes entre a ciencia e a tecnoloxía e a arte e a cultura co deseño como nexo condutor; o desenvolvemento de novos produtos, servizos e modelos de negocio que se constitúan como exemplos de deseño para a innovación e a sustentabilidade; así como accións para favorecer o recoñecemento, visibilidade e difusión de empresas e profesionais que aposten por estes elementos para a mellora do benestar social e a competitividade empresarial. Ademais, constituirase unha Rede Internacional de Profesionais do Deseño Galego para poñer en valor o talento e se convocará a segunda edición dos Premios Galicia Innovación e Deseño.
A iniciativa dá continuidade ao traballo que se vén desenvolvendo desde 2018 para incorporar o deseño ao mundo empresarial e poñer en valor a figura do deseñador impulsando a posta en marcha do mapa de provedores de servizos de deseño; unha plataforma en liña con imaxes sobre a historia do deseño na Comunidade; proxectos pilotos sectoriais, así como encontros e publicacións sobre o tema, entre outras medidas.
Conde destacou que o deseño é unha ferramenta estratéxica para a innovación, a sustentabilidade e o benestar, capaz de mellorar a competitividade empresarial. Segundo dixo, con este novo programa a Xunta quere dar continuidade ao traballo que vén facendo arredor do deseño con Marca Galicia. Un labor de impulso ao deseño en todo o tecido económico pola súa versatilidade á hora de crear valor, potenciar a produtividade e o acceso a novos mercados. E un labor, tamén, para identificar casos de éxito na Comunidade.
Coralinda é unha comedia xestual dirixida a público familiar e infantil. A través dunha linguaxe xestual fundamentada na manipulación de obxectos e na interacción constante co dispositivo escénico, a obra constrúe un universo cómico e poético que transita do realismo á hipérbole da vida cotiá. Unha proposta escénica ao estilo dos debuxos animados que aborda a temática da inmigración e do medio ambiente desde o humor, a poesía visual e a emoción. A obra convida a reflexionar sobre as experiencias das persoas que viaxan lonxe da súa terra.
Foi presentadoo o novo festival Sons de Vigo que se celebrará do 27 de marzo ao 4 de abril no Ifevi. Este evento aposta tanto por grandes nomes do panorama nacional como por artistas locais da escena galega. A presentación, celebrada no Paseo das Avenidas, xunto ao monumento a Julio Verne como un dos símbolos de Vigo, contou coa actuación de Castle e Milutxo, músicos locais que ofreceron varios dos seus temas. Sons de Galicia forma parte da programación dos Concertos do Xacobeo organizados pola Xunta de Galicia, unha iniciativa que impulsa a celebración de grandes citas musicais en Galicia. O ciclo comezará o 27 de marzo con Lingua Urbana, un dos cinco eventos musicais que acollerá o Ifevi dentro desta programación.
